MATHAI 23:37 - Bawm Common Language Bible Version

³⁷ “Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

MATHAI 23:37 ပူးပေါင်းရင်းမြစ်များ

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

SAM 17:8

Na mit hen na duhzia hâwi hen hawng ka vêng le,

SAM 36:7

Pathian, na dâwtnâk dawnglo chu a sung a! Na thla dâidul tangah himnâk kan tawng.

SAM 57:1

Pathian, na ka hum ding hen na sinah ka hawng, ka lakah khuaruat rawh; thlipi fâk tak râng lîm lânlo chu na thla dâidul tangah himnâk ka hâwl.

SAM 63:7

Hawng ka ṭangpitu na si kumza ruangah, na thla dâidul tangah lâwm hen la ka sak.

SAM 91:4

A thlâ hen a nan tuam lai le; amah vêngnâk ah chun him tak hen na um lai; zumh a kâinâk hen an vêng hen an zauhkhenh lai.

ISAI 5:4

Hi rangah ka ti mi lakah hin ka palh mi a um ma? Zei rangah grep ṭha siding ka ruat mi hawi silo hen a hawng thur zia?

ISAI 50:2

“Zei rangah anmah ruangsuah ding hen ka kal liauah ka mi le tla nih an hawng ka sunhsak lo? Ka auh na liauah zei rangah an sâng lo? Anmah ruangsuah kho lo ding ma kasi? Tipi tla kang ding hen thu ka pêk kho hen tiva tla khawm tî umlo ruangah ngâ thi ver ding hen ka tuah kho.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 26:23

Lalchem Jehoiakim sinah an hawngpi le, anih nih chun a thah le, zatlâng vûinâk mun ah a ruak chu an lawnh.)

JEREMIA 32:31

Hi khuapi mi minung tla nih hin an dirh tîr thawk hen ka thin an thawktir hen ka heh an ka hârtir.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 36:26

Churawhchun, lal nih, lal fapa tla Jerahmeel, Azriel fapa Seraiah hen, Abdeel fapa Selemiah tla chu ka lasuirîntu Baruk leh kei chu tleih ding hen thu a pêk na rawh. Sikhawmsele, LALPA nih hawng kan thuh.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

JEREMIA 44:4

Ka to-aw khuavâng tla, hi thil ṭihnungkâi ka hua mi hi ti lo rawh ding hen an simh na ding hen ka hawng fial kumza.

JEREMIA 6:8

Jerusalem mi tla, hi bang nawknâk tla hi nan rangah simhkannâk si seh, chu hâwi asi lo chun ka nan kaltâk lai le; ramkaro âukhawm umlonâk hâwi hen na khuapi ka umtir awt,” a ti.

HOSEA 11:2

Sikhawmsele ka kawh bilik leh a ka pialtâk dauh. Ka mi tla chu Baal sinah anna bâwl le; milem sinah rimthâw an duah.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 7:13

“An vânduai rawh! An ka nawng le, ka lakah an hel. An vei lai, hum na ding ka duh le, sikhawmsele an ka sawnh dân a diklo.

ZEKARIA 1:4

An thlâk natu hâwi hen um lah u, a lânah khuavâng tla nih ṭhalo tak leh sual tak hen umlo rawh ding hen ka thuchah an simh na, sikhawmsele ka thu an ngâi hen an zûl lo.

MATHAI 22:3

Chun, lâwinâk puai ei ding hen a sâwm na mi tla chu kawh ding hen a to-aw tla a fial le, sikhawmsele an hawng duh lo.

MATHAI 22:6

midang tla nih chun a to-aw tla chu an tleih le, ningzakkâi tak hen an siam le, an thah ving.

MATHAI 23:30

‘Kan pu tla dam liau khan um menza bâk khawmsele an thahnâk ah chun kanna tel lai lo, nan ti tâwn.

MATHAI 23:31

Chuvachun, khuavâng tla thahtu tla fa nan si ti nanna theihtir asi.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

LUK 15:28

Chun, a thin a thawk le, a lût duh lo rawh. Chun, a pa a hawng suak le, a lêm.

1 THESALONIKA 2:15

chubang Juda tla nih chun Lalpa Jisu leh khuavâng tla khawm an thah le, kannih khawm hawng kan nar le, Pathian an lawmhtir lo, mi zawzawng an kalh tâwn;

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

RUTH 2:12

Na thilti ruangah LALPA nih lâwmman a nan pêk seh, a nan humtu siding hen Israel LALPA Pathian na hawng fûk mi nih lâwmman tling tak a nan pêk seh,” a ti.