MATHAI 23:35 - Bawm Common Language Bible Version

³⁵ Chuvachun, Abel mirep tak thahnâk thawk hen Pathian Biakin leh mâichâm karah Barakia fapa Zekaria nan thah mi tiang khan, tual tlûnah mirep an thah mi zawzawng chu nanmah tlûnah rêpnâk a hawng tlung kho lai.

MATHAI 23:35 ပူးပေါင်းရင်းမြစ်များ

GENESIS 4:8

Kain nih a unaupa Abel sinah, “Phâisen ah kan kal lai,” a ti. Phâisen leiah an kal rawh chun a naupa leiah Kain chu â her le, a thah rawh.

2 Lal 21:16

Manaseh nih sual nei lo tam tak a thah na le, Jerusalem lampi tla chu thisen hen a luang; hi hi lâwng silo hen, Juda tla chu ruk a sawnhtir na le, LALPA lakah a sualtir na.

2 Lal 24:4

Lalchem Manaseh nih thilsual tam tak a ti ruangah leh a bîk hen thilsual tilotu tla a thah na ruangah LALPA nih a ngaihdam kho lo le, Juda tla chu a mitkâ thawk hen veih dep ding hen hi hi LALPA thupêk a hawng tlung mi asi.

ISAI 14:21

Thahnâk chu a dawmh rawh seh! Hi lalchem fapa tla hi an thlâktu tla sual ruangah an thi lai. An lakah pakhat khawm lâi an rêl hen, khuapi an tuah lai lo rawh,” a ti.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 2:34

Na nipuan chu mifîr thisen silo hen mipâm leh sual nei lo mi thisen â buaih. “Sikhawmsele, hi hâwi tluk mi lakah,

JEREMIA 26:15

Sikhawmsele hi hi theih u: hi simhkannâk hi an pêk na ding hen LALPA nih hawng ka fial mi asi ruangah nan ka thah mi asi chun, nannih leh hi khuapi ah um mi tla chu sual nei lo mi thahtu misual nan si lai,” a ti.

JEREMIA 26:23

Lalchem Jehoiakim sinah an hawngpi le, anih nih chun a thah le, zatlâng vûinâk mun ah a ruak chu an lawnh.)

JEREMIA 26:8

LALPA nih sim ding hen thu hawng ka pêk mi ka sim lîm kâ hen an ka tleih le, an âu, “Hi ruang hin nang chu thah ding mi na si!

ZEKARIA 1:1

Persia lal Darias a lalnâk thawk hen a kum nihnâk thla riatnâk ah, LALPA nih khuavâng Zekaria Berekiah fapa Iddo tupa sinah LALPA nih hi thuchah hi a simh.

NUMBER 35:33

Hi nan ti mi asi chun, nan umnâk ram nan nawmh mi asi lai. Mi thahnâk nih ram chu a nawmhtir le, mi thahtu thihnâk lo hen chun mi thah hen a umnâk ram chu dân hen thiangtirnâk lampi a um lo.

THILTI 5:28

“Hi min hen sîntir lo ding hen kan nan ti thlir na rawh khateh, sikhawmsele nan thusim Jerusalem a khat rawh, hi minung thihnâk ruangah mawhtir ding nan hawng kan duh asi hi,” ti hen, a salh na.

HEBRAI 11:4

Lungnâk hen Abel nih chun Kain ngâk chun bâwlnâk ṭha dauh Pathian sinah a pêk; lungnâk ruangah Pathian nih a thilpêk tla a pawm piak le, mirep asi phah. Chun, chu lungnâk ruang chun Abel nih thih nûnah thu a sim nget rih asi.

HEBRAI 12:24

Jisu, thudântuk thar siamtu, Abel thisen ngâk hen thisen ṭha dauh thehtu sinah nan hawng tleng rawh.

THUPHUANG 18:24

Khuapi sungah khuavâng tla leh Pathian mithenhlimh tla thah hen an um mi thisen zawzawng chu muh asi ruangah Babulon chu rêp asi rawh,” a ti.