MATHAI 23:34 - Bawm Common Language Bible Version

³⁴ Churuang chun nan sinah khuavâng tla, mifing tla, Dân sîntirtu tla ka hawng fial awt; zeimaw mi nan thah lai le, kraws ah nan khenh lai, zeimaw mi nanna pumhnâk in tla ah savun ri hen nan vuak lai le, khua kip ah nan nehsawh vima na lai.

MATHAI 23:34 ပူးပေါင်းရင်းမြစ်များ

2 Lal 21:10

Khuavâng a to-aw tla mang hen LALPA nih,

2 CHRONICLES 24:21

Lalchem Joash chu Zekariah an phiarnâk ah a bawp le, mi zapi tla nih Biakin kulh sungah lung hen an seh.

THUFING LASUIBU 11:30

Repnâk nih nungnâk a pêk le, sikhawmsele siatnâk nih a veih ving.

JEREMIA 26:8

LALPA nih sim ding hen thu hawng ka pêk mi ka sim lîm kâ hen an ka tleih le, an âu, “Hi ruang hin nang chu thah ding mi na si!

JEREMIA 36:26

Churawhchun, lal nih, lal fapa tla Jerahmeel, Azriel fapa Seraiah hen, Abdeel fapa Selemiah tla chu ka lasuirîntu Baruk leh kei chu tleih ding hen thu a pêk na rawh. Sikhawmsele, LALPA nih hawng kan thuh.

MATHAI 10:23

Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

MATHAI 13:52

Chun, anih nih chun an sinah, “Chu hâwi asi chun, Dân sîntirtu Vân Ram lampi sîntir hen um mi vial chu in dâwngpu a robâwm lakah mi thil thar tla leh thil li tla thuak tâwntu hâwi chu asi,” a ti.

MATHAI 23:31

Chuvachun, khuavâng tla thahtu tla fa nan si ti nanna theihtir asi.

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

JOHAN 16:2

Pumhnâk in ah mi an nar na lai le; asi, âuzawng an thah natu vial nih Pathian tlûnah thil ṭha ti hen anna ruat lai, chu tik chu a hawng tlung awt.

JOHAN 20:21

Chun, Jisu nih an sinah, “Nan tlûnah lungngamnâk um seh; Pa nih kei hawng ka fial hâwi hen ka nan fial na hi,” a ti nawlh.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 11:27

Chun, chu liau chun khuavâng tla âumawh Jerusalem thawk hen Antiokei khua ah chun an va kal.

THILTI 12:2

Chun, Jem, Johan unau chu nâmsâu hen a thah.

THILTI 13:1

Chun, Antiokei khua mi kawhmi tla lakah chun khuavâng tla leh sîntirtu tla an um: Barnaba, Simeon, (Niger an ti mi), Kurini khua mi Lukia lal Herod unau ding, Manain leh Sawl tla an si.

THILTI 14:19

Sikhawmsele, Antiokei leh Ikoniam khua mi Juda âumawh chunah chun an hawng kal le, mi zapi tla chu an lêm na rawh. Chun, Pawl chu lung hen an seh le, thi hen an ruat ruangah khua lêng leiah an nûk rawh.

THILTI 15:32

Chun, Juda leh Sila chu khuavâng an ti le, thu cherkhet hen unau tla chu an lungngamh na le, an birhtir.

THILTI 5:40

Chun, mifial tla chu an kawh na le; an vuak na le; an vuak thluh nûnah Jisu min hen thu simlo rawh ding ti thlir hen an thlah na rawh.

1 KORIN 2:6

Sikhawmsele, upa tla lakah chun thufing khawm kan sim tâwn, sikhawmsele, hi laikulh thufing hi asi lo le, hi laikulh lâirêltu tlâu ding mi thiltikhonâk khawm asi lo.

1 KORIN 3:10

Pathian nih zângfahnâk hawng ka pêk mi mang hen in sak thiam mi rian ka ṭuan le, lungphûm ka phûm, midang nih a tlûnah in an sak. Sikhawmsele, mikip a tlûnah an sak zia ding mi lakah a thiamthih chiau na seh.

KOLOSA 1:28

mikip Krist ah chun ṭha rangtling a kan dîr khonâk ding hen, mikip simhfâi hen, mikip finghnâk kip a sîntir hen a thâwngthâng kan sim tâwn mi hi,

1 THESALONIKA 2:16

ruangsuah an si khonâk ding hen Phundang tla sinah thusim an khap tâwn; an sual tahnâk khattir tâwn ding hen: Sikhawmsele, thinrunhnâk chu dawng rît hen an tlûnah a hawng tlung rawh.

HEBRAI 11:37

lung hen an seh na, thing lahnâk hen an tan na, nâmsâu hen an thah na, dawrâ leh kêl vun aih hen, pâm tak hen, hamh tak hen, nehsawh hen an um,

THUPHUANG 11:10

Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.