MATHAI 23:27 - Bawm Common Language Bible Version

²⁷ “Dân sîntirtu leh Farisai perpê tla, nan tlûn a pit! Thlân ngo tîk hen bawih mi, lênglei ah dawh tak a lang, a sunglei lam chu mithi ruh tla leh nâwmtâm kip hen khat mi hâwi chu nan si.

MATHAI 23:27 ပူးပေါင်းရင်းမြစ်များ

THUFING LASUIBU 26:23

Thinlung ah ruat mi tak pheh hen zumhkâilo thuruat chu, tangkasa tlêu vak hen tual bêl man awl tak luanh mi hâwi asi.

NUMBER 19:16

Mi âunih mawh, thah mi minung mawh, amah thih hen lêng ah a thi mi mawh tawnghtu mawh âu ruh mawh thlân mawh tawnghtu chu ni sarih kar thianglo ah ngaih asi.

MATHAI 23:28

Nannih khawm chu hâwitê hen lênglei ah chun minung mitmuh hen rep tak hen nan lang tâwn le, nan sunglei ah lam chun perpetnâk leh sualnâk hen nan khat fâwn.

LUK 11:44

Nan tlûn a pit! Thlân ti theih lo hen, a tlûnah mi an kal tâwnnâk hâwi chu nan si,” a ti.

THILTI 23:3

Chun, Pawl nih a sinah, “Nang vâm buah ngo pa, Pathian nih a nan bengh dauh lai; nang Dân hâwi a lâi na ka rêl piak ding hen na to le, Dân lo hâwi hen bengh ding na hawng ka ti asi mu?” a ti.

GALATIA 6:12

Taksa a mêl dawhtir duhtu vial nih fêmtan siding hen an fial râm na tâwn asi; zei dang ruang khawm asi lo le, Krist kraws ruangah nehsawh an tuar lonâk ding cho asi.