MATHAI 23:23 - Bawm Common Language Bible Version

²³ “Nannih Dân sîntirtu leh Farisai perpê tla, nan tlûn a pit! Pudina tla, mohuri tla, zira tla chu parâ lû ah pakhat nan pêk tâwn le, Dân thu pawiherh dauh-- repnâk, khuaruatnâk leh zumhkâinâk tla chu nan dâithlanh tâwn. Chubang tla chu asi nan ti ding mi chu, a dang tla chu tlawlh lêm lo hen.

MATHAI 23:23 ပူးပေါင်းရင်းမြစ်များ

THUFING LASUIBU 21:3

A dik hen a ṭha mi bâwlnâk ngâk hen LALPA lawmhtirnâk chu ti rawh.

ISAI 28:25

Tual chu a timhtuah le, dill (chabanak) leh kumin (bawhawk) belh chî tla a vawrh. Fâng chu a tlar hen a tuh le, a phâisen rîlah fâng dang a tuh.

JEREMIA 22:3

“Repnâk leh diknâk ti ding hen, Kei, LALPA nih thu ka nan pêk na asi. Mi perpê nih a perpet mi chu hum rawh. Ramdang mi, mi ngâkṭah, numei tla nehsawh lah na; hi mun thenhlimh ah hin sualnâk nei lo mi tla thah lah na.

HOSEA 6:6

Ran hen bâwlnâk silo hen nan dâwtnâk dawnglo ka duh, duahphung thil ap ngâk hen ka mi tla nih nan hawng ka theih ding kan duh na.

LEVITICUS 27:30

Ram sungah a hawng suak mi parâ lû ah pakhat chu fâng khawm, theirah khawm LALPA tâ asi.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MATHAI 12:7

Sikhawmsele, ‘Bâwlnâk duh lo hen khuaruatnâk ka duh,’ ti hi a umzia theih rawh mi si ule chu, mi a mawh lo mi tla chu nan mawhtir lo ding mi.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 9:13

Chuvachun, ‘Bâwlnâk duh lo hen khuaruatnâk ka duh,’ ti hi a umzia va a sîn u; mirep tak tla lam ding hen hawng kal kasi lo le, misual tla lam ding hen hawng kasi dauh,” a ti.

LUK 11:42

“Nannih Farisai tla, nan tlûn a pit! Pudina, chawngrei leh, thlâi kip tla parâ lû ah pakhat nan pêk tâwn le, repnâk leh Pathian dâwtnâk chu nan thlahthlamh tâwn. Chubang tla chu asi nan ti ding mi chu, a dang tla chu tlawlh lêmlo hen.

LUK 18:12

Dinhni kar khat kip ah vei nih buh ka ngei tâwn, ka nei mi zawng parâ lû ah pakhat ka pêk tâwn, a ti.

1 SAMUEL 15:22

Samuel nih, “LALPA nih ê-aw ngâi ma a duh dauh, bâwlnâk ma? Amah sinah dawrâ ṭha leh ranrual ṭha hen bâwlnâk ngâk hen a lakah ê-aw ngâi a ṭha dauh asi.