MATHAI 23:15 - Bawm Common Language Bible Version

¹⁵ “Nannih Dân sîntirtu leh Farisai perpê tla, nan tlûn a pit! Phun lût pakhat tê siam ding hen tisumsumriat leh mual nan hêl rê le, chun chu hâwi asi kâ hen anih chu nanmah hâwi hen letnih hen rêp mun ah kal ding tlâk hen nan siam!

MATHAI 23:15 ပူးပေါင်းရင်းမြစ်များ

ESTHER 8:17

Lal thusuah a tlengnâk ram ṭhen kip ah Juda tla nih lâwmnâk puai an tuah le, thungâi an lâwptlo. Chu hâwi a hawng si ruangah mi tam tak anmah ṭih ruangah Juda phun ah anna siam.

MATHAI 23:13

“Nannih Dân sîntirtu leh Farisai perpê tla, nan tlûn a pit! Vân Ram lampi chu midang tla nan khâr piak na tâwn. Nannih tâ nih nan lût lai lo, mi lût ding tla khawm nan siang fâwn lo.

MATHAI 3:7

Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

MATHAI 5:22

Kei lam nih chun, ‘Âuzawng a unau tlûnah thinruntu vial chu lâirêlnâk ah dîr ṭihnungkâi tak hen a um lai le, âuzawng a unau sinah, ‘Nang, mido-tla-lo,’ titu vial chu lâirêltu tla rêl piak ding ṭihnungkâi tak hen a um lai; chun, âuzawng ‘Nang mi â’ titu vial chu Gehena mei ah lawnh ṭihnungkâi tak hen a um lai ti ka nan simh na.

MATHAI 5:29

Chun, na mit vawrhlei nih a nan sualtir chun chawih zek le, lawnh ving! Na taksa a pum hen Gehena ah lawnh ngâk hen na taksa ṭeng pakhat vei chu na rangah a ṭha dauh asi.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 13:10

“Nang diabol fapa, nang repnâk zawzawng huatupa Lalpa lampi rep tak tla hi siattir na bâng lo mu?

THILTI 13:43

Chun, anna pûm mi tla chu an ṭiak kâ hen, Juda leh phun lût tla cherkhet nih Pawl leh Barnaba chu an zûl vima na le; mifial tla nih an sinah thu an sim le; chun Pathian zângfahnâk ah um kumza ding hen an fawrh na.

THILTI 14:19

Sikhawmsele, Antiokei leh Ikoniam khua mi Juda âumawh chunah chun an hawng kal le, mi zapi tla chu an lêm na rawh. Chun, Pawl chu lung hen an seh le, thi hen an ruat ruangah khua lêng leiah an nûk rawh.

THILTI 14:2

Sikhawmsele, lunglotu Juda tla nih Phundang tla chu an fawrh na le, unau tla chu an huatir na.

THILTI 17:13

Sikhawmsele, Thesalonika khua mi Juda tla nih chun Pawl nih Beria khua ah Pathian thu a sim ti an theih kâ hen chunah khawm chun an va kal le, mi zapi tla chu an fawrh le, an nawktir nawlh rawh.

THILTI 2:10

Phrugia leh Pamphulia ram ah um mi tla, Aigupta leh Kurini khua kiangkam Libia ram ah um mi tla, zeimaw mi Rom khua Khual Judai leh phun lût tla hen kan si le;

THILTI 6:5

Chu thu nih chun mi zapi zawzawng a lawmhtir le; chun Stephen, lungnâk leh Thlarau Thenhlimh hen khat mi leh Philip, Prokora, Nikanor, Timon, Parmena, Nikola, Juda tla phun lût Antiokei khua mi hen an thîm le;

GALATIA 4:17

Ṭha leikângah silo hen, semsêngâi tak hen an hâwl na tâwn le; asi, anmah tla nan hâwl khonâk ding hen lênglei ah an khâr khumh na ding an duh asi.

GALATIA 6:12

Taksa a mêl dawhtir duhtu vial nih fêmtan siding hen an fial râm na tâwn asi; zei dang ruang khawm asi lo le, Krist kraws ruangah nehsawh an tuar lonâk ding cho asi.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.