MATHAI 22:5 - Bawm Common Language Bible Version

⁵ Sikhawmsele, zeikhawm an siar piak lo le, an kal ving, pakhat chu a lo ah a kal le, pakhat chu a sawlehnâk ah;

MATHAI 22:5 ပူးပေါင်းရင်းမြစ်များ

GENESIS 19:14

Chun, Lot chu a fanu tla umpi nâtu ding mi tla sinah a va kal le, “Hi thawk hen suak ding a nam u; LALPA nih hi mun hi a râwk awt,” a ti. Sikhawmsele, a deh na mi hen an ruat.

GENESIS 25:34

Churawhchun, Jakob nih sang leh a zei lo suang chu a pêk rawh. A ei hen a din le, a thawk le, a kal ving. Chu chu Esau nih fa tîr a sinâk, zeikhawm a rêl lonâk chu asi.

THUFING LASUIBU 1:7

Theihnak nei ding hen LALPA chu na zah masa chem ding asi. Simh ngâilo mi tla nih finghnâk khawm an siarlo le, sîn ding khawm an duh lo.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 22:4

Chun, anih nih chun, ‘Ka sâwm na mi tla sinah khan, ngâinik u, ka puai chu ka timhtuah thluh rawh; ka châwchal tla leh ka ran châwm bit tla ka thah le, zeizawng lîm asi rawh; lâwinâk puai ei ding hawng kal u rawh’ ti u,” ti hen, to-aw dang tla a fial nawlh.

MATHAI 22:6

midang tla nih chun a to-aw tla chu an tleih le, ningzakkâi tak hen an siam le, an thah ving.

JOHAN 2:16

Chun, vaṭhu zuartu tla sinah chun, “Hi bang tla hi kalpi u, ka Pa in sawlehnâk in ah mang lah u,” a ti.

THILTI 2:13

Zeimaw mi nih an nihsanh na le, “Uain thar an rî asi hi,” an ti.

THILTI 24:25

Chun, Pawl nih chun repnâk thu tla, sûmnâk thu tla, lâirêlnâk hawng um ding mi thu tla chiamcheriam hen a sim liauah Felik chu thungâi a lâu le, “Kal ko rih, a dêngkhâwng tik zawng ah ka nan kawh lai,” a ti.

ROM 2:4

Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

ROM 8:6

Taksa lei thil tla duh chu thihnâk asi le, Thlarau lei thil duh lam chu nungnâk leh lungngamnâk asi.

2 TIMOTHE 3:4

mi perpê tla, dung le mâi dawn lo tla, â sung-û tir mi tla, Pathian zângfah ngâk hen mah lawmhnâk cho zângfah dauhtu tla an si awt;

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.

2 PETER 2:3

Chun, sîntirtu diklo tla nih chun âwkrâwl thu hen sawlehnâk ah an mang na lai. Sikhawmsele, tuan thawk hen an rangah lâirêlnâk chu timh chia asi le, anmah tla tlâutirtu khawm a it lo asi.