MATHAI 22:3 - Bawm Common Language Bible Version

³ Chun, lâwinâk puai ei ding hen a sâwm na mi tla chu kawh ding hen a to-aw tla a fial le, sikhawmsele an hawng duh lo.

MATHAI 22:3 ပူးပေါင်းရင်းမြစ်များ

SAM 68:11

LALPA nih dân a pêk le, nunau tam tak nih thâwngthâng an put:

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

JEREMIA 25:4

LALPA nih a to-aw khuavâng tla hawng fial vima khawmsele an thu nan ngâi hen nan âwva lai lo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

HOSEA 11:2

Sikhawmsele ka kawh bilik leh a ka pialtâk dauh. Ka mi tla chu Baal sinah anna bâwl le; milem sinah rimthâw an duah.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

ZEPHANIAH 1:7

LALPA ni, Pathian nih thil a ti ding mi ni chu a nâi rawh; churuangah a mâika ah dâisip hen um u. Bâwlnâk ah mang mi hâwi hen a mi tla chu LALPA nih thah ding hen a timhtuah.

MATHAI 21:34

Chun, a rah kawih a zâ awt rawh chun a rah lâk ding hen a bultu tla sinah a sal tla a fial.

MATHAI 23:37

“Aw Jerusalem, Jerusalem! Khuavâng tla thahtu, na sinah an hawng fial mi tla lung hen thi thlo hen sehtu! Ârpinu nih a fa tla a thla tangah a khurh na hâwi hen na fa tla vei zei zat me khurh ka tum mi kha! Sikhawmsele, na duh lo.

MATHAI 3:2

“Rim u, Vân Ram chu a nâi rawh,” ti hen, Judai ramkaro ah thusim hen a hawng kal.

MATHAI 9:15

Chun, Jisu nih an sinah, “Mo lawmhtu tla sinah a pasal ding mi a um kar vial chu mo lawmhtu tla nih chun an ulh kho mazei? Sikhawmsele, a pasal ding mi chu an sinah mi kalpi ving ni tla a tlung teh lai, chu tikah lam chun buh an ngei teh lai.

LUK 13:34

“Aw, Jerusalem! Jerusalem! khuavâng tla thahtu, na sinah Pathian nih a hawng fial mi tla lung hen thi thlap sehtu, ârpinu nih a fa tla a thla tangah a khurh hâwi hen na fa tla vei zei zat me khurh ka tum mi kha! Sikhawmsele, na duh lo.

LUK 15:28

Chun, a thin a thawk le, a lût duh lo rawh. Chun, a pa a hawng suak le, a lêm.

LUK 19:27

Sikhawmsele, hi bang hawng ka dotu tla nih an tlûnah lalchem siding hen an ka duhlotu tla hi hawngpi na ule, ka mâika ah thah na u,’ a ti,” a ti.

JOHAN 5:40

Sikhawmsele, nungnâk nei ding hen ka sinah nan hawng duh lo.

THILTI 13:45

Sikhawmsele, Juda tla nih mi zapi an muh kâ hen thungâi an nahsuah na; Pawl thusim chu an êl le, an râp.

ROM 10:21

Sikhawmsele, Israel mi tla thu lakah chun, “Mi ê-aw ngâilo leh hel mang tla rangah nî tlâk hen anmah lawmh duh hen ka bân ka phar tâwn kha,” a ti.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

HEBRAI 9:15

Chun, hi ruangah hin Krist chu thudântuk thar thulanhtu asi, Pathian nih a kawhmi tla chu Pathian nih a tiamh mi zungzâl thudântuk masa tangah buarnâk lakah mi tlanhnâk ding hen Jisu a hawng thi rawh ruangah.

THUPHUANG 22:17

Thlarau leh mo nih chun, “Hawng rawh” an ti. A theihtu zawng nih, “Hawng rawh,” ti seh. A tîhâl mi zawng chu hawng seh, nungnâk tî hi a duhtu zawng nih a thawt hen lâk seh.