MATHAI 22:29 - Bawm Common Language Bible Version

²⁹ Jisu nih an sinah, “Pathian lasui thu leh Pathian thiltikhonâk nan theih lo ruangah nan ngaihpalh tâwn asi.

MATHAI 22:29 ပူးပေါင်းရင်းမြစ်များ

GENESIS 18:14

LALPA rangah thil a har mi a um mazei? Ka sim hâwitê hen tu thawk hen a thla kuanâk ah ka hawng kîr nawlh lai le, Sari nih fapa a nei lai,” a ti.

SAM 17:15

Thilsual ka ti lo ruangah kei lam nih chun kan muh lai, chun, ka meng tikah na ka umpinâk nih lâwm hen ka khat lai.

ISAI 25:8

LALPA zahkâi nih thihnâk chu a veih pawt awt rawh! Mikip mitthli chu a nâwt piak ver na lai le, laikulh pumpi ah a mi le ningzakkâi tak hen tuarnâk chu a lâk piak ving na lai. LALPA amah ngelchel nih a sim mi asi.

ISAI 26:19

Kan minung thi rawh mi tla chu an hawng nung nawlh lai! An taksa nungnâk nei hen an hawng kîr nawlh lai. An thlân ah it rawh mi zawzawng tla chu an hawng a ṭhang lai le, lâwm hen la an sak lai. Dâmtî nih tual a thartir mi hâwi hen sâwt tak a thi rawh mi tla chu LALPA nih a nungtir nawlh lai.

JEREMIA 32:17

“LALPA zahkâi, nangnih tual leh vân na thilti rokual leh chaknâk hen na siam le; nang rangah chun thil zeikhawm a har tuk mi a um lo.

HOSEA 13:14

Hi minung tla hi laikulh thihnâk lakah mi leh thihnâk thiltikhonâk lakah mi ka hum na awtlo. Laikulh thihnâk, siat leh râwknâk hi bang minung tla tlûnah hin hawng tlungtir khawm le, pawi ka ti awtlo.

MATHAI 22:28

Chun, thawknawlh tikah an pasarih lakah a zei mi nupi dauh chem asi lai? An ektê hen an umpi chiau dangâiah,” ti hen, an deih.

MARK 12:24

Jisu nih an sinah, “Hi ruangah hin silo ma, nan ngaih palh tâwn, Pathian lasui thu leh Pathian thiltikhonâk nan theih lo ruangah hin?

LUK 1:37

Pathian thu suak rerêng thil tikho lo hen a um lai loh,” a ti.

JOHAN 20:9

Mithi lakah mi a thawknawlh ding asi ti Pathian lasui thu kha an theih lo rih ruangah.

THILTI 26:8

Pathian nih mithi tla a thawh ti hi zei rangah me lung tlâklo hen nan ruat?

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

1 KORIN 15:34

Rep tak hen lungfîm ule, thilsual ti lah u. Zeimaw mi nih chun Pathian theihnâk rêng nan nei lo hi; hi hi nan ningzaknâk ding hen ka sim asi.

PHILIPI 3:21

Anih nih chun a ṭuan hen zeizawng khawm amah thu thu hen a umtir kho, chu ṭuan zia hâwi vima hen kan taksa chaklo tak hi, amah taksa rokual hâwi a um ding hen a siam nawlh lai.