MATHAI 22:16 - Bawm Common Language Bible Version

¹⁶ Chun, an ṭhiruai tla, Herod murui sinah mi tla hen, a sinah an fial le, chubang tla nih chun, “Sîntirtu, mi dik tak na si le, dik tak hen Pathian leikâng thu na sîntir na tâwn le, sunhsak khun mi khawm na nei lo ti kan theih le; âukhawm thliar leh dangnâk na nei lo.

MATHAI 22:16 ပူးပေါင်းရင်းမြစ်များ

1 Lal 22:14

Sikhawmsele, Mikaiah nih a sâng le, “LALPA a nung mi min sal hen thu ka tiam, hawng ka simh ziatê hen ka sim awt,” a ti.

SAM 12:2

Mi zawzawng âwkrâwl anna simh tawnh le, sawr telenâk hen anna perpet.

SAM 5:9

Ka mêlma thusim chu zumh kho mi asi lo; râwk ding karo an ka duh. An aw-kâ chu a thlum hen a tlawr. Sikhawmsele thihnâk rê hen perpetnâk asi.

SAM 55:21

A thu chu chawpê nûk thâu ngâk hen a tlawr, sikhawmsele a thinlung ah huatnâk a um, a thu chu sariak hâwi hen a nâl, khawmsele nâm hâr hâwi hen mi a tuk.

THUFING LASUIBU 29:5

Na hâwi tla, vêl leh khua hen na sawr chun, nangmah rangah thang na tunh mi asi.

MALAKI 2:6

Diklonâk silo hen diknâk anna sîntir. Ka sinah um nuam an ti le, diknâk lâwng an ti le, midang rang khawm sual tilo ding hen mi tam tak an ṭangpi na.

MALAKI 2:9

Churuangah ka duh dân nan zûl lo ruangah leh ka mi tla nan sîntir na liauah mikip bang khap hen nan titir na lo ruangah Israel mi tla nanmah zauhnawmhtu ah ka siam rûl na bâk awt,” a ti.

MATHAI 22:24

“Sîntirtu,” “Mosi nih mi, fa nei lo hen thi sele, a unaupa nih a nupi chu umpi hen a unaupa a thi mi rangah chi a thlâk piak ding asi, an ti.

MATHAI 22:26

Chu hâwi ber hen panihnâk khawm nih, pathumnâk khawm nih, pasarih tiang hen an umpi chiau.

MATHAI 26:18

Chun, anih nih chun, “Khuapi ah âumawh sinah kal ule, a sinah, ‘Sîntirtu nih chun ka tik a nâi rawh; ka ṭhiruai le hen Kalkanh Kût na in ah kan mang lai, a ti,’ va ti u,” a ti.

MATHAI 26:49

Chun, Jisu chu a va fûk sawm le, “Chibai, Rabbi” ti hen, a châwchawk chiam.

MARK 10:17

Chun, kal ding hen Jisu a suak liauah minung pakhat amah leiah a hawng tek le, a mâika ah a siksidîr le, a sinah, “Sîntirtu ṭha, zungzâl nungnâk ka ting khonâk ding hen zei me ka ti lai?” ti hen a deih.

MARK 12:13

Chun, a thusim ah tleih ding hen Farisai tla leh Herod murui lakah mi âu tla mawh a sinah an fial.

MARK 12:14

Chun, annih chu an hawng tlung rawh chun a sinah, “Sîntirtu, mi dik tak na si le, âukhawm ṭih leh zah khun na nei lo ti kan theih, âukhawm thliar leh dang lo hen, sîset hen Pathian lei thu na sîntir tâwn asi. Kaisar sinah siah châwi hi dân asi ma, si lo? Kan pêk lai ma, pêk lai lo?” an ti.

MARK 3:6

Chun, Farisai tla chu an suak le, amah an thah kho zia ding ruat hen Herod murui tla hen chun anna thluk sawm.

MARK 8:15

Chun, anih nih chun an sinah, “Farisai tla leh Herod thilnu lakah chun a vêng ule, a thiamthih u,” a ti thlir.

LUK 20:21

Annih nih chun a sinah, “Sîntirtu, dik tak hen thu na sim hen, âukhawm thliar leh dang nei lo hen Pathian thu na sîntir tâwn ti kan theih;

LUK 7:40

Chun, Jisu nih a sinah, “Simon, na sinah thu kâ khat sim ding ka nei,” a ti le, a sâng. Chun, anih nih chun, “Sim ko me, Sîntirtu,” a ti.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 18:37

Chun, Pilat nih a sinah, “Lalchem na si na maw?” a ti. Jisu nih, “Si ta a, Lalchem kasi. Thutak theihtir hi ka suak san leh laikulh ah ka hawng san asi. Âuzawng thutak lakah mi vial nih ka thu a zâwt tâwn,” a ti.

JOHAN 7:18

Âuzawng mah phuak sawm hen thusimtu chu, mah rokualnâk hâwltu asi; a fialtu rokualnâk hâwltu lam chu, chu chu mi dik tak asi, amah lakah chun diklonâk rerêng a um lo.

2 KORIN 2:17

Mi tam tak nih Pathian thu hi mi tla perpet hen sawlehnâk ah an mang hâwi hen kannih nih chun kan mang lêm lo; thungâi tak hen, Pathian fial hen, Pathian mitmuh hen Krist ah chun thu kan sim tâwn.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

2 KORIN 5:16

Churuang chun tu thawk hen kannih lam nih chun taksa leiah chun âukhawm kan theih lai lo rawh; taksa leiah Krist chu theih rawh khawmsele tu lam chun kan theih nawlh lo rawh.

GALATIA 1:10

Asi chun, tuhin minung ma kan lêm, Pathian? Asi lo leh, minung ma lawmhtir kan tum ne? Minung lawmhtir hen um sele Krist to-aw kasi lai loh.

GALATIA 2:6

Chun, mi lian dauh ah an ruat mi tla lakah chun zeitin mi tal khawm si sele, ka rangah â dang lêm lo, Pathian nih âukhawm a thliar lo-- mi lian dauh ah an ruat mi tla nih chun ngaihdân thar zeikhawm an ka sap lo.

DEUTERONOMY 33:9

Nu leh pa tla, unau tla, fa tla sin ngâk hen na sinah zumhkâi dauhnâk an langhtir. Na thupêk tla chu an zûl hen, Na thudântuk lakah zumh an kâi.

1 THESALONIKA 2:4

Thâwngthâng Ṭha kiltir ding hen Pathian nih ṭha hawng kan ti hâwi hen, minung lawmhtir ding hâwi si lo hen, kan thinlung niktu Pathian lawmhtir dauh hen thu kan sim dauh tâwn asi.

JEM 3:17

Sikhawmsele, tlûnlei thawk hen a hawng suak mi finghnâk lam chu, a masa chem hen a thenhlimh le, chu nûnah chun remnâk a duh, a nunnêm le, a kawmh a nuam le, zângfahnâk leh thil ṭha ti hen a khat le, thlei bîk a nei lo le, a perpê lo asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.