MATHAI 21:41 - Bawm Common Language Bible Version

⁴¹ Annih nih chun a sinah, “Chubang misual tla chu hamh tak hen a tlâutir na lai le, grep dûm bultu dang, a kawih tik kip ah a rah tla chu a sinah pêk vimatu ding tla sinah a thlawh a lawh ding hen a pêk na lai,” an ti.

MATHAI 21:41 ပူးပေါင်းရင်းမြစ်များ

SAM 2:9

Thîr ṭhianṭhunh hen na mântir na lai le, tualbêl hâwi hen na nektir na lai.

ISAI 65:15

Ka mi thîm tla nih nan min ah hawlh siatbarh tla an ti na lai. Kei, LALPA Zahkâi nih ka nan thah na awt. Sikhawmsele ka thu ngâitu tla chu min thar ka pêk na lai.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

ZEKARIA 12:12

Ram lakah dâwngsungkhur kip lungfâknâk an nei lai: David thlâk dâwngsungkhur tla, Nathan thlâk dâwngsungkhur tla, Levi thlâk dâwngsungkhur tla, Simei thlâk dâwngsungkhur tla leh dâwngsungkhur dang zawzawng khawm, dâwngsungkhur kip an lungfâk chiau lai le, nunau mipa a dang chereh hen an lungfâk chiau lai.

ZEKARIA 13:8

Ram pumpi ah mi ka mi tla chu ka do na lai le, a mun thum ṭhen hen mun nih chu an thi lai.

MATHAI 21:34

Chun, a rah kawih a zâ awt rawh chun a rah lâk ding hen a bultu tla sinah a sal tla a fial.

MATHAI 21:40

“Chuvachun, grep dâwngpu a hawng tikah a bultu tla tlûnah chun zeitin a ti na lai rawh ne?” a ti.

MATHAI 21:43

Churuangah chun Pathian Ram chu nan sinah mi suh asi lai le, a rah suah ding mi phun tla sinah pêk asi lai ti ka nan simh na.

MATHAI 3:12

A kut hen a zâpnâk a put lai le, a chîlnâk mun ah a zâp phin lai le, a siahnâk ah fâng a râwn lai, a hî lam chu mei mit kho lo hen a duah hep lai.”

LUK 20:16

A zauhtu tla chu a veih na lai le, dûm chu midang a pêk lai,” a ti. Chun, chu chu an theih le, “Chu ngâi chu tlung lah seh! ” an ti.

THILTI 15:7

Chun, anna êl chiam nûnah Peter a thawk le, an sinah: “Unau tla, Phundang tla nih keimah kâ hen Thâwngthâng Ṭha theih hen zûl ding leh Pathian nih tuan thawk hen nan lakah mi hawng ka ruat zia nan theih.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

THILTI 28:28

“Chun, Pathian ruangsuahnâk thu hi Phundang tla sinah kuat asi ti theih u, annih lam nih chun ngâi khawm an ngâi lai,” a ti.

THILTI 28:8

Chun, Publias pa damlo leh nal kal hen a it ko; chun Pawl chu a sinah a kal le, a tlûnah a kut a thâng le, thla a cham piak le, a dam rawh.

1 THESALONIKA 2:16

ruangsuah an si khonâk ding hen Phundang tla sinah thusim an khap tâwn; an sual tahnâk khattir tâwn ding hen: Sikhawmsele, thinrunhnâk chu dawng rît hen an tlûnah a hawng tlung rawh.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?

HEBRAI 2:3

Chu tluk rak ruangsuahnâk rokual chu siarlo sele zeitin kan âwl kho zia lai? Chu ruangsuahnâk thu chu a tîrah amah Lalpa nih a phuang rawh le, a theihtu tla nih chun a dik asi ti hawng kan langhtir piak asi.