MATHAI 21:35 - Bawm Common Language Bible Version

³⁵ Chun, a bultu tla nih chun a sal tla chu an tleih le, pakhat chu an vuak le, pakhat chu an thah le, pakhat chu lung hen an seh.

MATHAI 21:35 ပူးပေါင်းရင်းမြစ်များ

1 Lal 18:13

Jezebel nih khuavâng tla a thah na liauah khuavâng zâ pûk lakah sâwmnga hen murui nih ka suah na le, buh leh tî ka pêk na mi kha na theih lo na maw?

1 Lal 18:4

Jezebel nih LALPA khuavâng tla a thah na liauah Obadiah nih khuavâng zâ a kalpi na le, pûk ah sâwmnga hen murui nih a suah na le, pûk ah a thuh na; an ei ding buh leh tî a ruat piak na.)

1 Lal 19:10

Anih nih a sâng le, “LALPA, Pathian zeizawng tikho, nangmah nâwl cho ka nan zulh. Sikhawmsele na mi Israel tla nih an sinah thudân na tuk mi an buar le, na mâichâm tla an siat, na khuavâng zawzawng an thah, keimah lâwng ka âwl, kei khawm thah an ka tum!” a ti.

1 Lal 19:2

Elija sinah Jezebel nih thu a thanh, “Thâituan tu tik ding ah khuavâng tla tlûnah na ti mi hâwi hen ka nan tilo mi asi chun pathian tla nih thi thlo hen hawng ka vuak seh,” a ti.

1 Lal 22:24

Churawhchun, khuavâng Zedekiah chu Mikaiah sinah a hawng le, a mêl ah a bengh le, “LALPA thlarau nih zei liauah hawng ka kaltâk ti hen a nan simh?” ti hen a deih.

2 CHRONICLES 16:10

Hi thusim nih Asa chu khuavâng tlûnah a thin a run le, rêng a thlâk rawh. Chu liau chun midang tla khawm Asa nih thungâi a nehsawh na.

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 26:8

LALPA nih sim ding hen thu hawng ka pêk mi ka sim lîm kâ hen an ka tleih le, an âu, “Hi ruang hin nang chu thah ding mi na si!

JEREMIA 37:15

Annih tla chu an ro a thawk le, hawng ka vuak ding hen thu an suah, lâirêlnâk ah lasuirîntu Jonathan in, rêngin ah an mang mi sungah an hawng ka khumh.

MATHAI 21:34

Chun, a rah kawih a zâ awt rawh chun a rah lâk ding hen a bultu tla sinah a sal tla a fial.

MATHAI 21:36

Chun, sal dang a masa mi tla ngâk hen tam dauh a fial nawlh na le; annih tla tlûnah khawm chun chu hâwi ber hen an ti nawlh na.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

THUPHUANG 6:9

Chun, Dawrâ Fa nih chun singsiahnâk panganâk chu a samh kâ hen mâichâm tangah chun theihtirnâk thu zumhkâi tak hen an pawm mi ruangah leh Pathian ruangah an thah na mi thlarau tla ka muh.