MATHAI 21:34 - Bawm Common Language Bible Version

³⁴ Chun, a rah kawih a zâ awt rawh chun a rah lâk ding hen a bultu tla sinah a sal tla a fial.

MATHAI 21:34 ပူးပေါင်းရင်းမြစ်များ

ISAI 5:4

Hi rangah ka ti mi lakah hin ka palh mi a um ma? Zei rangah grep ṭha siding ka ruat mi hawi silo hen a hawng thur zia?

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

MATHAI 21:35

Chun, a bultu tla nih chun a sal tla chu an tleih le, pakhat chu an vuak le, pakhat chu an thah le, pakhat chu lung hen an seh.

MATHAI 21:38

Sikhawmsele, a bultu tla nih chun a fapa an muh kâ hen, ‘Hi minung hi rotingtu ding asi, kan thah lai le, a ro ting ding mi hi kan ting tâk ving lai, an ti.

MATHAI 21:40

“Chuvachun, grep dâwngpu a hawng tikah a bultu tla tlûnah chun zeitin a ti na lai rawh ne?” a ti.

MATHAI 21:41

Annih nih chun a sinah, “Chubang misual tla chu hamh tak hen a tlâutir na lai le, grep dûm bultu dang, a kawih tik kip ah a rah tla chu a sinah pêk vimatu ding tla sinah a thlawh a lawh ding hen a pêk na lai,” an ti.

MATHAI 22:3

Chun, lâwinâk puai ei ding hen a sâwm na mi tla chu kawh ding hen a to-aw tla a fial le, sikhawmsele an hawng duh lo.

MARK 12:1

Chun, tahṭhimh thu hen Jisu nih an sinah a sim rawh: “Âunih mawh grep dûm a siam le, dâi hen a kulh le, grep sûrnâk khur a chawh le, in sâng a sak le, a bultu tla sinah thlawh lawh ding hen a pêk le, ram dang ah a kal rawh.

MARK 12:7

Sikhawmsele, chubang a bultu tla nih chun, ‘Hi minung hi rotingtu ding chu asi; kan thah lai! Chun, a roting ding mi hi kan tâ asi ko lai,’ anna ti.

MARK 12:9

“Chuvachun, dûm dâwngpu nih chun zeitin a hawng ti lai? Bultu tla chu a hawng veih na lai le, dûm chu midang tla a pêk lai.

LUK 20:9

Chun, zatlâng sinah hi tahṭhimh thu hi a sim rawh: “Âunih mawh grep dûm a siam le, a zauhtu tla sinah a ap le, sâwt tak râu ding hen ramdang ah a kal rawh.