MATHAI 21:31 - Bawm Common Language Bible Version

³¹ Chu minung panih nih chun zei mi dauh nih me an pa duhzia an ti?” a ti. Annih nih chun, “A masa dauh mi nih,” an ti. Jisu nih an sinah, “Thungâi tak hen ka nan simh na, siah khawlhtu tla leh nunau â zuar mi tla nih chun Pathian Ram an lût khalh na awt ma hi!

MATHAI 21:31 ပူးပေါင်းရင်းမြစ်များ

JOB LASUIBU 15:6

Nang rangah an mawhtir ding a herh loh; nangmah thusim nih a nan mawhtir asi.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

MATHAI 12:50

Âuzawng ka Pa vân ah mi duhzia titu zawng chu ka unau tla, ka farnu tla, ka nu tla an si,” a ti,

MATHAI 18:3

“Thungâi tak hen ka nan ti na, nanna lêt hen ngâksiatê hâwi nan silo chun Vân Ram ah nan lût rîlmâl lai lo.

MATHAI 20:16

Chu hâwi hen madung chem tla chu masa chem an si teh lai, masa chem tla khawm chu madung chem an si teh lai,” a ti.

MATHAI 21:30

Chun, pakhat sinah khawm a va kal le, chu hâwi ber hen a ti. Chun, anih nih chun, ‘Pa, ka kal lai,’ a ti le, a sâng. Sikhawmsele, a kal ṭung fâwn lo.

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MATHAI 5:46

An dâwt natu cho nan dâwt chun lâwmman zei me nan tawng lai? Siah khawlhtu tla khawm nih chu hâwi hen an ti bâk lo mazei?

MATHAI 6:5

“Chun, thla nan cham chun mi perpê tla hâwi hen nan ti ding asi lo; mi nih an muh khonâk ding hen pumhnâk in tla ah, zâwllâi lamṭhuam tla ah dîr bû hen thlacham an sunhsak tâwn. Thungâi tak hen ka nan simh na, an lâwmman chu an tawng thluh rawh.

MATHAI 7:21

“ ‘Lalpa, Lalpa’ hawng ka titu namên Vân Ram ah an lût lai lo; ka Pa vân ah mi duhzia titu lam chu an lût lai.’

MATHAI 9:9

Chun, Jisu chu, chu thawk hen chun a kal vima le, siah châwinâk mun ah a to mi, minung pakhat a min, Mathai a muh; chun, a sinah, “Hawng ka zûl rawh,” a ti. Chun, a thawk le, a zûl rawh.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 19:22

Chun, anih nih chun a sinah, “To-aw sual, na hawlhkâ suak ngelchel hen ka nan mawhtir.

LUK 7:29

Chun, mi zawzawng nih an theih rawh chun siah khawlhtu tla hen, Johan baptis si rawh mi tla an si le, Pathian an mawhtir lo.

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

THILTI 17:30

Pathian nih chun amah kan theihlo liauah a ngaihzia hawng kan thiam piak tâwn le; sikhawmsele, tuah ramkipah mi zawzawng rim ding thu a pêk rawh asi,

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

ROM 5:20

Chun, sual a lang khun ding hen Dân a hawng um nawlh sawm. Sikhawmsele, sual a pungnâk kip ah Pathian zângfahnâk chu a pung khun tâwn.

2 PETER 3:9

Mi zeimaw mi nih Lalpa chu fûm hen an ruat hâwi hen a thutiam leikângah chun a fûm lo, âukhawm tlâu ding siang lo hen, mi zawzawng rim duh hen, nan lakah â dawnhkho mi asi dauh.