MATHAI 21:23 - Bawm Common Language Bible Version

²³ Chun, Pathian Biakin ah a lût nûnah a sîntir na liauah chun bâwlpu lal tla leh zatlâng upa tla chu an hawng kal le, a sinah, “Âu thu hen me hi bang thil hi na ti? Âunih thu a nan pêk?” an ti.

MATHAI 21:23 ပူးပေါင်းရင်းမြစ်များ

EXODUS 2:14

Chu minung nih a sâng le, “Kan lakah lâirêltu leh hotu ding hen âunih an siah? Aigupta minung na thah mi hâwi hen thah ding na ka tum na maw?” a ti. Mosi chu a lâu le, a thinlung hen, “Mi nih ka thilti an theih ma hi,” a ti.

MATHAI 20:4

chun, an sinah, “Nannih khawm grep dûm ah va kal bâk u, a dâwh tâwk ding hen ka nan pêk na lai,” a ti.

MATHAI 21:24

Chun, Jisu nih an sinah, “Kei khawm nih thu kâ khat ka nan deih na bâk lai, chu chu nan ka simh chun, âu thu hen me hi bang thil hi ka ti ka nan simh na bâk lai.

MATHAI 24:1

Chun, Jisu chu Pathian Biakin ah mi a suak le, a kal awt ving. Chun, a ṭhiruai tla chu Pathian Biakin zauhtir ding hen a sinah an hawng kal.

MATHAI 26:55

Chu liau tak chun Jisu nih mi zapi tla sinah chun, “Nâmsâu tla, talhbo tla put hen rawkmang tleih ding hâwi hen hawng ka tleih ding hen nan hawng suak mu? Pathian Biakin ah nisiar sîntir na hen ka to le, nan ka tleih ṭung lo.

LUK 19:47

Chun, nisiar Pathian Biakin ah chun a sîntir tâwn; chun, bâwlpu lal tla leh Dân sîntirtu tla leh mi zatlâng lakah hotu dauh tla nih amah veih ding an tum.

LUK 20:1

Chun, ni khat chu Pathian Biakin ah mi tla a sîntir na. Thâwngthâng Ṭha a sim liauah, bâwlpu lal tla leh Dân sîntirtu tla chu upa tla hen a sinah an hawng sut le,

THILTI 4:7

Chun, Peter leh Johan chu a lâi ah an dîrtir na le, “Zei thiltikhonâk hen me, asi lo leh, âu min hen me hi bang hi nan ti?” an ti le, an deih na.

THILTI 7:27

Sikhawmsele, a zâwlbâwm lakah ṭhatlo rawttu dauh nih chun Mosi chu a tul le, ‘Kan tlûnah hotu ah leh lâirêltu ah âunih a nan siam?