MATHAI 21:19 - Bawm Common Language Bible Version

¹⁹ Chun, lam vâu ah chun theipi kûng a muh le, a va fûk le, a nah cho lo chu zeikhawm a muh lo. Chun, a sinah, “Zungzâl hen hawng rah lah rawh!” a ti. Chun, theipi chu a uai sawm rawh.

MATHAI 21:19 ပူးပေါင်းရင်းမြစ်များ

ISAI 5:2

Tual a chawh le, lung a lawnh hep le; grep ṭha chem mi tla a phun na. A vêngnâk ding hen insâng a sak le, grep chîlnâk ding hen khur a chawh. Grep min tik ding a ngâk le, sikhawmsele grep tla chu a thur hep.

JEREMIA 8:13

“Mi nih mîm-leh-fâng a pumh mi hâwi hen, ka mi le pumh na ding ka duh le; sikhawmsele, grep zûn rah lo leh theipi kûng rah lo hen a nah tiang uai ver mi hâwi an si. Churuang chun lênglei mi tla nih ram lâk hep ding hen ka siang,” a ti.

MATHAI 21:20

Chun, ṭhiruai tla nih chun chu chu an muh le, “Zei zia me theipi hi a uai sawm ko?” ti hen, thungâi chê an ti.

MARK 11:14

Chun, Jisu nih thing chu a sawnh le, “Tu thawk hen kumleza hen na lakah âukhawm nih rah ei lah rawh seh,” a ti. A ṭhiruai tla nih chun chu chu an theih.

MARK 11:20

Chun, zîng ah an kal pah hen theipi kûng chu a ram tiang uai ver hen an muh rawh.

LUK 3:9

Tu khawm ah reitlung thing phûr kip ah an siah rawh; chuvachun, thing kip rah ṭha hen rah lo mi vial an hâu le, mei ah an paih tâwn,” a ti.

JOHAN 15:2

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

JOHAN 15:6

Mi keimah lakah a um kumza lo chun, ṭeng hâwi hen lawnh hen a um le, a uai tâwn; chun, an khawmh le, mei ah an paih le, a kâng tâwn.

2 TIMOTHE 3:5

Pathian sunhsak mi banghnâk an nei lai le, sikhawmsele a thiltikhonâk chu an lung lai loh; chubang hâwi chu hawitâk rawh.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

JUD 1:12

Buh nan einâk ah annih tla chu nâwmtâm â buaih mi hâwi an si le, an zû rîtnâk ningzak theihlonâk hen, mah kawngkâ cho ruattu an si; vândâwm ruahtî a um lo mi thli nih a ranh mi hâwi an si, thing, tharvâng liau khawm ah a rah lo mi hâwi leh thing a ram hen â phâwi zek le, a thi thlo mi hâwi an si.

THUPHUANG 22:11

Mi replo chu replo hen um ko na seh, mi nâwmtâm chu nâwmtâm hen um ko na seh, mirep chu rep hen um ko na seh, mi thenhlimh chu thenhlimh hen um ko na seh,” a ti.