MATHAI 21:15 - Bawm Common Language Bible Version

¹⁵ Sikhawmsele, bâwlpu lal tla leh Dân sîntirtu tla nih a thilchê ti tla leh Pathian Biakin ah, “David Fapa, Hosana!” ti hen, ngâksia âu tla an muh rawh chun, thungâi an lungsi lo le,

MATHAI 21:15 ပူးပေါင်းရင်းမြစ်များ

ISAI 26:11

Na mêlma tla nih na rêp na awt mi an theih lo. LALPA ningzak saih na le, tuartir na rawh; rêpnâk na timhtuah mi chu tuartir na. Na minung tla na dâwt na zia muhtir na.

MATHAI 20:24

Chun, parâ tla nih chun chu chu an theih rawh chun unau panih tlûnah chun an thinrun rawh.

MATHAI 21:23

Chun, Pathian Biakin ah a lût nûnah a sîntir na liauah chun bâwlpu lal tla leh zatlâng upa tla chu an hawng kal le, a sinah, “Âu thu hen me hi bang thil hi na ti? Âunih thu a nan pêk?” an ti.

MATHAI 21:9

Chun, mi zapi a mâi leiah kal mi tla leh a zûltu tla nih chun, “David Fapa sinah Hosana! Lalpa min hen a hawng kal mi chu a thaw a suak. Chungnungchem ah khin, Hosana!” ti hen, an âu.

MATHAI 22:42

“Mesia chu zei hâwi nan ngaih? Âu fapa mesi?” a ti. Annih nih chun a sinah, “David Fapa,” an ti.

MATHAI 26:3

Chu liau chun Bâwlpu Lalchem Kaiapha an ti mi inkulh sung tualmâi ah chun bâwlpu lal tla leh zatlâng upa tla chu anna pûm;

MATHAI 26:59

Chun, amah chu an thah khonâk ding hen bâwlpu lal tla leh lâirêltu tla zawzawng nih chun Jisu phiarnâk an hâwl le;

MATHAI 27:1

Chun, zînglei a hawng si rawh chun bâwlpu lal tla leh zatlâng upa tla zawzawng chu Jisu thah ding hen thu anna thluk.

MATHAI 27:20

Chun, bâwlpu lal tla leh upa tla nih Baraba deih hen Jisu veih ding hen mi zapi tla chu an lêm.

MATHAI 9:27

Chun, Jisu chu chu thawk hen chun a kal vima le, mitchâw panih nih, “David Fapa, kan tlûnah khuaruat rawh,” ti hen, âu hen an zûl.

MARK 11:18

Chun, bâwlpu lal tla leh Dân sîntirtu tla nih chun chu chu an theih le, amah chu an ṭih ruangah a veihnâk ding zia an hâwl. Mi zapi zawzawng nih chun a sîntirnâk chu thungâi chê an ti.

LUK 20:1

Chun, ni khat chu Pathian Biakin ah mi tla a sîntir na. Thâwngthâng Ṭha a sim liauah, bâwlpu lal tla leh Dân sîntirtu tla chu upa tla hen a sinah an hawng sut le,

LUK 22:2

Chun, bâwlpu lal leh Dân sîntirtu tla nih chun Jisu thah ding dân an hâwl; zatlâng an ṭih fâwn.

LUK 22:66

Chun, khuadei ka hen zatlâng upa tla, bâwlpu lal tla leh Dân sîntirtu tla chu anna pûm le, an lâirêlnâk ah chun an kalpi le,

JOHAN 11:57

Bâwlpu lal tla leh Farisai tla nih amah chu an tleih khonâk ding hen âuzawng nih a umnâk an theih chun phuang ding asi ti hen thu an pêk rawh.

JOHAN 12:19

Chuvachun, Farisai tla nih, “Zauhnik u, zeikhawm nan ti kho lo hi; zauhnik u, laikulh nih amah an zûl rawh hi,” anna ti.

JOHAN 4:1

Chun, Jisu nih Johan ngâk hen ṭhiruai tam dauh a siam mi leh a baptis ti Farisai tla nih an theih ti Lalpa nih a theih kâ hen,

JOHAN 7:42

Mesia chu David thlâk lakah, David umnâk khua Bethlehem ah a suak ding asi ti Pathian lasui thu nih a sim lo mazei?” an ti.