MATHAI 20:28 - Bawm Common Language Bible Version

²⁸ Minung Fapa hi mi nih rianṭuan piak ding hen a hawng lo le, rianṭuan ding leh mi tam tak tlanhnâk ding ah a nungnâk pêk ding hen a hawng dauh asi,” a ti.

MATHAI 20:28 ပူးပေါင်းရင်းမြစ်များ

JOB LASUIBU 33:24

Vânmifial nih khuaruat hen, “Suah u! Laikulh thihnâk ah kal ding mi asi lo. Suah ding hen hinah a man pêk asi rawh,” a ti lai.

SAM 49:7

Mi amah leh amah â tlanh kho dah loh, a nungnâk man khawm Pathian a pêk kho lo,

ISAI 53:5

Sikhawmsele, kan sualnâk ruangah liamh hen a um le, kan thilsual ti ruangah vuak hen a um. Rêpnâk a tuar mi hen hawng kan damtir le, vuak a tuar mi hen hawng kan damtir ver.

ISAI 53:8

An tleih le, an rêp le, thah ding hen an kalpi le a thi ding mi âukhawm nih an vêng lo. Kan mi tla sual ruangah thah hen a um.

MATHAI 20:27

Âuzawng nan lakah a masa chem siding duhtu vial chu nan to-aw ah a um ding asi.

MATHAI 26:28

hi hi ka thisen, sual tla ngaihdamnâk ding ah mi tam tak rangah suak ding mi thutiamnâk chu asi.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MARK 10:45

Minung Fapa khawm nih hin rianṭuan piak ding hen a hawng lo le, rianṭuan ding leh mi tam tak tlanhnâk ah a nungnâk pêk ding hen a hawng kal asi,” a ti.

MARK 14:24

Chun, anih nih chun an sinah, “Hi hi ka thisen, mi tam tak rangah suak ding mi thudântuk chu asi.

LUK 22:27

Âu me rokual dauh, buh dûmtu ma, eibâr timhtuahtu? Buh dûmtu asi lo ma? Sikhawmsele, kei lam chu nan lakah eibâr timhtuahtu hâwi hen ka um hi.

JOHAN 10:15

chun, dawrâ tla rangah chun ka nungnâk ka pêk.

ROM 4:25

Chu Jisu chu kan sual ruangah thi ding hen tleihtir hen a um le, kan mawhlonâk ding hen thawh hen a um.

2 KORIN 8:9

Kan Lalpa Jisu Krist zângfahnâk chu a pâmnâk ruangah nan hawng nei khonâk ding hen, nei khawmsele nanmah ruang takah a hawng pâm mi kha nan theih asi.

GALATIA 3:13

Krist chu kan ruangrûl ah siat ting hen Dân siat lakah mi hawng kan suah rawh; “Thing ah thlâi mi vial chu siat ting an si,” ti hen Pathian lasui thu nih a sim ruangah.

EPHESI 1:7

A thisen hen amah lakah tlanhnâk kan nei asi, a zângfahnâk chawng zia hâwi vima hen kan buarnâk tla ngaihdamnâk chu.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

1 TIMOTHE 2:6

Mi zawzawng tlanhnâk ding hen a pêk mi chu. Chu chu a tik tak vima ah theihtir hen a um ding asi;

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

HEBRAI 2:10

Pathian thil zeizawng siamtu leh kiltu nih chun fa tam tak a rokualnâk ting ding hen a hawng put kim na ding hen a tuarnâk ruangah Jisu siam rangtling chu a dik asi. Jisu chu ruangsuahnâk ding hen anmah tla rui natu pakhat asi ruangah.

HEBRAI 5:8

Pathian Fapa si menza khawmsele a thil tuar tla lakah ê-aw ngâi â sîn.

HEBRAI 9:28

Chu hâwi ber hen Krist khawm mi tam tak sual tla kalpi ding hen veikhat bâwlnâk ah â pêk rawh. Amah ngâktu tla chu ruangsuah na ding hen, sual bâwlnâk ding silo hen, a veinihnâk ah a hawng lang nawlh lai.

1 PETER 2:24

Sual leikângah thi rawh hen, repnâk leikângah kan nung khonâk ding hen Krist ngelchel nih kraws ah khan a taksa hen kan sual tla a phurh le, amah liamnâk tla hen damtir hen nan um rawh.

1 PETER 3:18

Churuangah, Krist ngelchel chu nan rangah a thi le, sual tla ruangah mi zawzawng rangah veikhat a thi le, Pathian sinah hawng kan ruai ding hen mi ṭhalo ruangrûl ah mi ṭha a thi. Taksa ah chun thah hen a um le, thlarau ah chun nunh hen a um.

1 JOHAN 2:2

anih chu kan sual tla thutluangvâwrnâk asi, kanmah tla sual cho silo hen, laikulh zawzawng sual thutluangvâwrnâk khawm asi.