MATHAI 20:26 - Bawm Common Language Bible Version

²⁶ Sikhawmsele, nannih lakah lam chun chu hâwi asi lai lo; âuzawng nanmah lakah mi lian siding duhtu vial chu nan to-aw ah a um ding asi.

MATHAI 20:26 ပူးပေါင်းရင်းမြစ်များ

EZEKIEL 24:13

Jerusalem, na hurnâk thilti nih a nan nawmh. Thiangtir ding ka nan tum khawm ah na nâwm nget rih. Ka thinthawknâk zawzawng na theih lânlo chu na thiang ding asi lo rawh.

MATHAI 20:27

Âuzawng nan lakah a masa chem siding duhtu vial chu nan to-aw ah a um ding asi.

MATHAI 25:44

Chu tikah chun annih khawm nih, Lalpa, zeitik ah me sungvâng hen mawh, tîhâl hen mawh, khual hen mawh, takkaro hen mawh, damlo hen mawh, rêngin ah mawh kan muh le, na rian kan ṭuan piak lo?’ ti hen, an sâng lai.

MATHAI 27:55

Chun, chunah chun nunau tam tak a rianṭuan piak vima hen Galili ram thawk hen Jisu hawng zûltu tla chu an um le, a râltlâng hen an chawnh.

MARK 10:43

Sikhawmsele, nan lakah lam chun chu hâwi asi lai loh; âuzawng nan lakah mi lian si duh mi zawng chu nan to-aw ah a um ding asi.

MARK 10:45

Minung Fapa khawm nih hin rianṭuan piak ding hen a hawng lo le, rianṭuan ding leh mi tam tak tlanhnâk ah a nungnâk pêk ding hen a hawng kal asi,” a ti.

MARK 9:35

Chun, anih chu a to le, leinih tla chu a kawh na le, an sinah, “Âuzawng nih masa chem si a duh chun, mi zawzawng ngâk hen madung chem ah a um ding asi, mi zawzawng to-aw ah a um ding asi,” a ti.

LUK 18:14

Ka nan simh na, a masa ngâk hen chu minung chu mawh lo dauh hen a in ah a lâwi rawh. A sung-û tir mi zawng an nâu lai le, â nâutir mi chu chawnglawmh hen an um lai,” a ti.

LUK 22:26

Sikhawmsele, nannih lam chu chu hâwi nan si lai lo; nan lakah a rokual chem mi chu ngâksia dauh hâwi hen um sele, a lal chem mi chu eibâr timhtuahtu hâwi hen um dauh seh.”

JOHAN 18:36

Jisu nih “Lalchem ka sinâk chu hi laikulh thawk hen mi asi lo. Lalchem ka sinâk chu hi laikulh thawk mi si sele, ka to-aw tla nih an do lai; Juda tla sinah pêk hen ka um lonâk ding hen; sikhawmsele, lalchem ka sinâk chu hinah thawk hen mi hi asi lo,” a ti le, a sâng.

THILTI 13:5

Chun, Salami khua ah an um liauah Juda pumhnâk in tla ah Pathian thu an sim tâwn le; Johan Mark khawm kha an rianṭuan ding hen an kalpi.

2 KORIN 1:24

Nan lungnâk lakah lalnâk ka nei ka ti lo le, nanna lâwmnâk ṭangpitu kan si ka ti dauh asi; lungnâk ah dîr nan si dangâiah.

2 TIMOTHE 1:18

chu Ni ah chun Lalpa sinah mi khuaruatnâk tawng ding hen Lalpa nih chun anih chu ruat seh! Ephesi khua ah ka rangah rian a ṭuan fâk zia na theih ual asi.

PHILEMON 1:13

Anih chu Thâwngthâng Ṭha ruangah rêng kâ khimhnâk ah hin nangmah ruangrûl ah a ka bulsân khonâk ding hen ka sinah umtir kumza ka duh thlo asi.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

1 PETER 4:11

Mi âuzawng nih thu a sim chun Pathian thu sim seh; mi âuzawng nih rian a ṭuan chun Pathian nih chaknâk a pêk hâwi vima hen ṭuan seh. Churawhchun, Jisu Krist zârah Pathian chu thil zeizawng ah chawnglawmh hen a um kho lai. Rokualnâk leh thiltikhonâk chu zungzâl hen amah tâ asi. Amen.

1 PETER 5:3

Nanmah zauhkhenh ding hen pêk an si mi tla tlûnah a laltir lah ule, murui tla zûnzauh ding hen a siam lehlam u.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.