MATHAI 20:21 - Bawm Common Language Bible Version

²¹ Chun, anih nih chun, “Zei na duh?” a ti. Chun, anih nih chun a sinah, “Hi ka fapa panih tla hi na Ram ah, na vawrhlei ah pakhat, na kehlei ah pakhat an to khonâk ding hen thu pêk,” a ti.

MATHAI 20:21 ပူးပေါင်းရင်းမြစ်များ

1 Lal 2:19

Churawhchun, Bathsheba chu Adonijah ruangrûl ah lalchem sawnh ding hen a kal rawh. Lalchem Solomon chu a nu mâimûk ding hen a kûn. A laltophah lakah a to nawlh le, chun laltophah dang an hawng put le, chunah chun a nu a to.

1 Lal 3:5

Chu zân ah chun a mang ah LALPA â langh le, a sinah, “Zei me a nan pêk sele na duh?” a ti.

ESTHER 5:3

Lal nih a sinah, “Lalnu Esther, zei me? Zei na duh? Ka ram khingkhuai khawm na ting kho lai,” a ti.

SAM 110:1

LALPA nih chun lalchem ka lal sinah, “Na mêlma na kezahphah tangah ka siah lânlo chu ka vawrhlei ah hin to rawh.

SAM 45:9

Na in ah nungâk tla lakah mi chu lal fanu tla an si, chun na laltophah vawrhlei kângah lalnu chu ngûn ṭha chem hen â thuam le, a dîr.

JEREMIA 45:5

Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.

MATHAI 18:1

Chu liau tak chun ṭhiruai tla chu Jisu sinah an hawng kal le, “Vân Ram ah âume rokual chem lai?” an ti.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 20:22

Jisu nih, “Nan deih mi chu nan theih lo asi. Ka hâi din ding mi chu nan din kho lai mazei,” a ti le, a sâng. Annih nih a sinah, “Ti kho e,” an ti.

MATHAI 20:32

Chun, Jisu a dîr le, anmah a kawh na le, “Nan tlûnah zeitin an ti na sele nan duh?” a ti.

MARK 10:51

Chun, Jisu nih chun amah chu a hawng sawnh le, “Na lakah zeitin an ti sele na ka duh?” a ti. Chun, mitchâw nih chun a sinah, “Rabboni” muh kho ka duh,” a ti.

MARK 16:19

Chuvachun, Lalpa Jisu chu an sinah thu a sim thluh rawh chun vân leiah lâk hen a um le, Pathian vawrhlei ah a to rawh.

MARK 6:22

Herodi fanu chu a hawng lût le, a lâm le, Herod leh a buh dûmpitu tla chu a lawmhtir na. Chun, lalchem nih chun nunau ngâksia sinah, “Na duh mi zawng hawng ka deih, ka nan pêk lai,” a ti.

LUK 18:41

“Na lakah zeitin an ti piak sele na ka duh?” a ti le, a deih. Chun, anih nih chun, “Lalpa, muh kho ka duh,” a ti.

LUK 19:11

Chun, chubang thu tla chu an ngâi liauah, Jerusalem a nâi rawh ruangah leh Pathian Ram hawng lang sawm ding hen an ruat ruangah tahṭhimh thu a simh na.

LUK 22:24

Chun, an lakah âu me rokual chem hen ruat asi lai ti thu ah, êlnâk a hawng suak.

JOHAN 15:7

Nannih keimah lakah nan um kumza hen, ka thu nanmah lakah a um kumza chun, nan duh mi zawng deih u, nan rangah ti hen a um vima lai.

THILTI 1:6

Chun, mifial tla chu Jisu hen anna pûm rawh chun a sinah, “Lalpa, tuah masi Israel tla sinah ram na pêk nawlh awt?” an ti le, an deih.

ROM 12:10

Unau tla siherh leikângah chun siherh tak hen a siherh tawnh chiau u.

ROM 8:34

âunih annih rangah mawhtir kho na lai? Jisu Krist chu thihnâk thawk hen a thawk le, Pathian vawrhlei ah to hen, Pathian sinah hawng kan sim piaktu asi lo mazei?

KOLOSA 3:1

Chun, Krist sinah thawh hen nan um bâk rawh chun, tlûnlei mi, Pathian vawrhlei ah to Krist umnâk ah thil um tla chu hâwl u.