MATHAI 2:7 - Bawm Common Language Bible Version

⁷ Chu nûnah chun Herod nih a thup hen mifing tla chu a kawh na le, fiang tak hen ârfi langh liau chu a deih na.

MATHAI 2:7 ပူးပေါင်းရင်းမြစ်များ

SAM 55:21

A thu chu chawpê nûk thâu ngâk hen a tlawr, sikhawmsele a thinlung ah huatnâk a um, a thu chu sariak hâwi hen a nâl, khawmsele nâm hâr hâwi hen mi a tuk.

EXODUS 1:10

Râltuknâk tla a hawng um hen, kanmah do ding hen kan leido leiah anna ṭângṭawm chun hi ram ah mi hi an suak ving kho. Kanmah ngâk hen tam ngâi na khawmsele ti dân kâng dang hen anmah kham ding hen hâwl a suak lai,” a ti.

NUMBER 24:17

Mâilei thil um ding mi ka zauh le, Israel phun ka muh. Lalchem ârfi chêu tak hâwi hen Chu phun lakah mi a hawng suak lai. Israel thawk hen ârfi zuang hâwi hen a hawng kal lai. Moab ruitu tla chu a vuak na lai le, Seth mi tla zawzawng chu a thlûk phin lai.

MATHAI 2:1

Chun, lalchem Herod a lal liauah Judai ram ah Bethlehem ah Jisu a hawng suak liauah, ngâinik, khawsak lei thawk hen mifing tla Jerusalem khua ah an hawng kal le, “Kha zeiah Juda tla lalchem a hawng suak mi chu?

MATHAI 2:16

Chu liau chun Herod nih mifing tla nih an perpet asi ti a theih kâ hen a thinthawk, mi a fial le, a tik fiang tak hen mifing tla a deih na hâwi khan, Bethlehem leh a kiangkam zawzawng ah mipa ngâksia kum nih rî hen a tanglei mi chu an ektê hen a thah hep na.

MATHAI 2:8

Chun, annih chu Bethlehem ah a kaltir na le, “Kal ule, nâutê thu chu fiang tak hen deih u; chun kei khawm nih amah chu mâi ka hawng mûk khonâk ding hen nan muh kâ hen hawng ka simh u,” a ti.

THILTI 24:22

Chun, Felik nih chun Thu umdân chu a theihfiang dauh ruangah “Kawrsen hotu lianchem Lusia chu a hawng tleng tikah nan thu chu ka thlûk lai,” ti hen a siah rawh.

THUPHUANG 12:15

Chun, rûlpi nih chun chu nunau chu fenhtir ding hen tiva hâwi hen a kâ lâk mi tî chu a suah rawh.

1 SAMUEL 18:21

“A thinlung hen Mikal chu David rangah ka pêk lai le, amah perpettu ah ka mang lai le, Philistia mi tla nih an thah khonâk ding hen,” a ti. Churawhchun, a veinihnâk ah Saul nih David sinah, “Ka samâkpa na si lai rawh,” a ti.