MATHAI 2:18 - Bawm Common Language Bible Version

¹⁸ “Ram khua ah hâu an theih, ṭap tla, mithi ngâi hen rûm leh âi tla, Rakel nih chun a fa tla a ṭapnawh na le, an umlo rawh ruangah lungngamh kho asi lo,” ti hen a sim mi kha a dik asi.

MATHAI 2:18 ပူးပေါင်းရင်းမြစ်များ

GENESIS 37:30

A unau tla sinah a va kal le, “Kan nau chu a umlo rawh! Zeitin ka ti lai rawh?” a ti.

GENESIS 42:36

An pa nih an sinah, “Fa lo hen siah ding nan ka awt mu? Josef tâ nih a vei rawh, Simeon khawm a um lo rawh, tuah Benjamin lâk ding nan awt fâwn; tuar marua rerêng kasi ko,” a ti.

JOB LASUIBU 14:10

Sikhawmsele, minung chu a thi chun a dawnghnâk asi ko rawh. A thi mi chu kha zeiah a um rawh ne?

JEREMIA 31:15

LALPA nih, “Ramah ah lungfâk tak hen ṭap hâu theih hen a um. Rakil chu a fa tla an um lo rawh ruangah a ṭap le, a thla a ngam kho lo.

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

EZEKIEL 2:10

Chu lalsuibu zual chu kut nih a samh le, pat nih hen rîn mi ka muh, chunah chun ngaihsiatnâk ruangah ṭapnâk, lungfâknâk leh rûmnâk ti hen â rîn.

MATHAI 2:17

Chun, khuavâng Jeremia nih,

LUK 8:52

Chun, an ektê hen an ṭap chur le, an ir anna chumh le; chun anih nih chun, “Ṭap lah u, a thi lo, a it mi asi,” a ti.

THUPHUANG 8:13

Chun, ka zauh le, mupi vân lâiah a zuang mi nih, aw-hâu fâk tak hen “Vânmifial pathum an tâwtawrâwt tum hâu hawng um ding mi ruangah, tual ah an um mi tla tlûn a pit! a pit! a pit!” a ti mi ka theih.