MATHAI 2:13 - Bawm Common Language Bible Version

¹³ Chun, an tlung nûnah, ngâinik, Lalpa vânmifial chu Josef sinah a mang leiah â langh le, “Thawk le, nâutê leh a nu put na le, Aigupta ram ah tek rawh, ka nan simh nawlh lânlo chu chunah chun um kumza; Herod nih nâutê veih ding hen a hâwl awt asi,” a ti.

MATHAI 2:13 ပူးပေါင်းရင်းမြစ်များ

1 Lal 11:17

Hadad leh a pa to-aw Edom mi tla Aigupta ram ah an tek mi cho an dam. (Chu liauah chun Hadad chu ngâksiatê asi.)

1 Lal 3:5

Chu zân ah chun a mang ah LALPA â langh le, a sinah, “Zei me a nan pêk sele na duh?” a ti.

JOB LASUIBU 33:15

Zân ah mi tla an it liau khawm ah, manglei leh langhnâk hen Pathian nih thu a sim.

JOB LASUIBU 33:17

Pathian nih a zûm lo ding leh sual lo rawh ding hen an sinah thu a sim.

EXODUS 1:22

A dawnghnâk ah lalchem nih a mi le zawzawng hi hâwi hen thu a pêk na: “Hebrai mipa fa a suak mi vial chu Nile tiva ah lawnh ule, nunau fa vial chu zuah na u,” ti hen.

MATHAI 1:20

Sikhawmsele, chubang thu chu a dawn liauah, ngâinik, a mang ah Lalpa vânmifial a sinah â langh le, “Josef, nang David fapa, na nupi Mari chu umpi ding ṭih lah; a nâu pâwi chu Thlarau Thenhlimh lakah mi asi.

MATHAI 10:23

Chuvachun, khua khat ah an nehsawh na tikah khua dangah tektâk u; thungâi tak hen ka nan simh na, Minung Fapa a hawng kal lânah Israel khua tla chu nan ṭawl thluh lai lo.

MATHAI 2:12

Chun, Herod sinah kîr nawlh lo ding hen an mang ah Pathian simh hen an um ruangah anmah khua leiah lam dang hen an tlung rawh.

MATHAI 2:14

Chun, Josef chu a thawk le, mûi leh zân ah nâutê leh a nu chu a put na le, Aigupta ram ah a kal;

MATHAI 2:16

Chu liau chun Herod nih mifing tla nih an perpet asi ti a theih kâ hen a thinthawk, mi a fial le, a tik fiang tak hen mifing tla a deih na hâwi khan, Bethlehem leh a kiangkam zawzawng ah mipa ngâksia kum nih rî hen a tanglei mi chu an ektê hen a thah hep na.

MATHAI 2:22

Sikhawmsele, Arkelaus a pa Herod ruangrûl ah Judai ram ah a lal ti a theih rawh chun chunah va kal a ṭih; chun a mang leiah simh hen a um ruangah Galili leiah a kal ving le, khua pakhat Nazaret an ti mi ah chun a va um rawh.

THILTI 10:22

Chun, annih nih chun, “Vânmifial thenhlimh pakhat nih Kornelia kawrsen zâ hotu, mirep tak, Pathian ṭih mi, Juda phun zawzawng nih an zah mi sinah chun na thusim theih ding hen, a in ah nangmah kawh ding hen a simh asi,” an ti.

THILTI 10:7

Chun, vânmifial chu a kal kâ hen, Kornelia nih chun a to-aw tla lakah minung panih leh a rianṭuan tâwntu lakah Pathian sunhsak mi kawrsen pakhat a kawh na.

THILTI 12:11

Chun, Peter chu a fîm kâ hen, “Lalpa nih a vânmifial a fial le, Herod kut ah mi leh Juda mi tla lungumnâk zawzawng thawk hen ruang ka suak ti tuah dik tak hen kâ theih rawh,” a ti.

THILTI 12:7

Chun, lâkkhat ko ah Lalpa vânmifial pakhat chu a kiangah a hawng dîr le, in sungah chun chêu zeimawh a hawng um le; chun, Peter nâk ah a bengh le, a ṭhangh le, “Thawk rawh,” a ti. Chun, chikchîn tla chu a kut ah mi a tlâ sawm rawh.

THILTI 16:36

Chun, rêngin vêngtu nih chun Pawl sinah an thu a simh, “Lâirêltu tla nih chun an suah na ding hen mi an hawng fial asi; churuangah tuah hawng suak ule, lungngam tak hen kal u,” a ti.

THILTI 5:19

Sikhawmsele, zân ah Lalpa vânmifial pakhat nih inkhâr tla chu a hawng awng le, a suakpi na le,

THILTI 7:19

Chu nih chun kan chi tla ngamlêm a pêk na le, kan thlâktu tla chu a nehsawh na le, an fasêm tla nung lo ding hen a lawnhtir na tâwn.

JOSUA 3:13

Bâwlpu tla nih laikulh zawzawng LALPA Pathian Thudântuk Bâwm zawnhtu nih tî an kê hen an lamh kâ hen Jordan Va chu a luang mi â dîn lai le, chu tiva ah mi tî chu munkhat kâ ah â dil hep lai,” a ti.

JOSUA 3:17

Mi zapi tla nih tual châr ah Jordan Va an tan liauah chun bâwlpu tla nih Jordan Va lâi tual châr tlûnah Thudântuk Bâwm put hen zapi tla nih an tan thluh ver tiang an dîr ko.

JOSUA 4:10

LALPA nih Josua rangah mipi ti ding hen a simh mi hâwi hen thil zeizawng a lîm lânlo chu bâwlpu tla chu Jordan Va lâi ah an dîr ko. Chu chu Mosi thupêk asi. Mi zapi tla nih mawhsareh hen tiva chu an kanh rawh.

JOSUA 4:18

bâwlpu tla nih vakap an tlung rawh chun tiva chu a luang nawlh le, a tiva kâwr chu a khat nawlh rawh.

THUPHUANG 12:14

Chun, nunau chu kum thum leh a sêu zauhkhenh ding hen leh rûlpi lakah a him khonâk ding hen, a mun ramkaro leiah zuang ding hen mupi thla panih an pêk.

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.

THUPHUANG 12:6

Chun, nunau chu ramkaro ah Pathian nih amah rangah mun a ruat piak mi ah chun a tek rawh, chunah ni sâng khat zanih leh sâwmruk an châwm khonâk ding hen.