MATHAI 2:12 - Bawm Common Language Bible Version

¹² Chun, Herod sinah kîr nawlh lo ding hen an mang ah Pathian simh hen an um ruangah anmah khua leiah lam dang hen an tlung rawh.

MATHAI 2:12 ပူးပေါင်းရင်းမြစ်များ

GENESIS 31:24

Chu zân chun Laban sinah mang ah Pathian â langh le, “Jakob rangah zeitin khawm nehsawh lo ding hen a thiamthih,” ti hen a simh.

EXODUS 1:17

Sikhawmsele faring zauhkhenhtu tla nih Pathian an ṭih ruangah lalchem thupêk zia ti lo hen mipa an zuah na.

DANIAL 2:19

Chu zân lîlâ ah chun Danial nih langhnâk a muh mi lakah lal chu a muh sih le, vân Pathian sawr hen a muh rawh. Danial nih,

MATHAI 1:20

Sikhawmsele, chubang thu chu a dawn liauah, ngâinik, a mang ah Lalpa vânmifial a sinah â langh le, “Josef, nang David fapa, na nupi Mari chu umpi ding ṭih lah; a nâu pâwi chu Thlarau Thenhlimh lakah mi asi.

MATHAI 2:13

Chun, an tlung nûnah, ngâinik, Lalpa vânmifial chu Josef sinah a mang leiah â langh le, “Thawk le, nâutê leh a nu put na le, Aigupta ram ah tek rawh, ka nan simh nawlh lânlo chu chunah chun um kumza; Herod nih nâutê veih ding hen a hâwl awt asi,” a ti.

MATHAI 2:19

Sikhawmsele, Herod chu a thi nûnah, ngâinik, Lalpa vânmifial Aigupta ram ah chun Josef sinah a mang ah â langh le,

MATHAI 2:22

Sikhawmsele, Arkelaus a pa Herod ruangrûl ah Judai ram ah a lal ti a theih rawh chun chunah va kal a ṭih; chun a mang leiah simh hen a um ruangah Galili leiah a kal ving le, khua pakhat Nazaret an ti mi ah chun a va um rawh.

MATHAI 27:19

Chun, lâirêlnâk tophah ah chun a to liauah, a nupi nih, “Kha mirep tak tlûnah khan zeikhawm ti lah; tusûn hin amah ruangah mang leiah thil tam tak ka tuar asi,” ti hen, a chah.

LUK 2:26

Chun, Lalpa Mesia chu a muh lânlo chu a thi lai loh ti Thlarau Thenhlimh nih a theihtir chia rawh.

THILTI 10:22

Chun, annih nih chun, “Vânmifial thenhlimh pakhat nih Kornelia kawrsen zâ hotu, mirep tak, Pathian ṭih mi, Juda phun zawzawng nih an zah mi sinah chun na thusim theih ding hen, a in ah nangmah kawh ding hen a simh asi,” an ti.

THILTI 4:19

Sikhawmsele, Peter leh Johan nih an sinah, “Pathian mitmuh hen Pathian thu zûl ngâk hen nannih thu zûl a dik dauh lai menmaw, dawn set nik u.

THILTI 5:29

Sikhawmsele Peter leh mifial tla nih chun, “Minung thu ngâk hen Pathian thu kan zûl dauh ding asi.

1 KORIN 3:19

Hi laikulh finghnâk hi Pathian ngaih hen âtnâk asi, “Pathian nih mi fing tla chu an fing perpetnâk lakah a awhtir na tâwn,” ti hen Pathian lasui thu nih a sim hâwi khan.

HEBRAI 11:7

Lungnâk hen Noa chu thil a lang lo rih mi leikâng thu ah Pathian simhkannâk thu a ngâi le, Pathian thu zâwt hen a dâwngsung tla ruangsuaknâk ding hen lawng a sâi; chu nih chun laikulh chu a mawhtir rawh. Churuang chun, lungnâk ruangah repnâk chu Pathian thawk hen â ting rawh.

HEBRAI 8:5

Chubang tla nih chun vân thil tla a telê leh a thlapelê rian an ṭuan tâwn le, Mosi nih sawnhnâk puanin a sak awt liauah Pathian simh asi hâwi khan: “Tlângah zûnzauh ding mi a nan zauhtir hâwi khan zeizawng siam ding hen a thiamthih rawh,” a ti kha.