MATHAI 19:28 - Bawm Common Language Bible Version

²⁸ Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 19:28 ပူးပေါင်းရင်းမြစ်များ

1 Lal 18:31

Pathian nih a min ah Israel ti hen a sak mi Jakob fapa tla phun leinih min hen lung leinih a sar, phun khat rangah pakhat vima ding hen.

2 CHRONICLES 9:19

A leilâk dawng tlûn vevê ah a um, hi hâwi laltophah zei lalram khawm nih an nei dahlo.

Ezra lasuibu 6:17

Chu Biakin apnâk rangah chun chawchal zâ, dawrâ zanih, dawrâ fa zali bâwlnâk ah an ap le, kêl leinih chu sual rangah apnâk ah an mang, Israel phun khat ah pakhat vima ding hen.

EXODUS 15:27

Chu nûnah chun Elim mun ah an va dung le, chunah chun tinung va leinih leh tûm kûng sâwmsarih a um; chu tî umnâk kiangah chun um mun an khuar.

EXODUS 24:4

Mosi nih LALPA thupêk zawzawng chu a rîn rawh. A thâizîng zîngtê ah Mosi nih tlâng bul ah mâichâm a siam le, Israel fa phun zat, lung leinih a chuanh.

EXODUS 28:21

Hi lung leinih lakah hin Israel phun tla zauhtirnâk ding hen Jakob fapa tla min lung pakhat lakah min pakhat rîn vima ding asi.

ISAI 65:17

LALPA nih, “Tual thar leh vân thar ka siam. A lânah mi thil um tla chu philh hep asi lai rawh.

ISAI 66:22

“Ka thiltikhonâk hen tual thar leh vân thar ka umtir kumza mi hâwi hen na thlâk tla leh na min a um kumza lai.

LEVITICUS 24:5

Sangvut kilogramme leinih lâk hen sang tlang em mi leinih siam.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 19:27

Chun, Peter nih a sim le, “Zauhnik, kannih nih zeizawng kaltâk hen ka nan zûl le, zei me kan tawng lai ne?” a ti le, a deih.

MATHAI 20:21

Chun, anih nih chun, “Zei na duh?” a ti. Chun, anih nih chun a sinah, “Hi ka fapa panih tla hi na Ram ah, na vawrhlei ah pakhat, na kehlei ah pakhat an to khonâk ding hen thu pêk,” a ti.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MARK 10:37

Chun, annih nih chun a sinah, “Na rokualnâk ah chun na vawrh leiah pakhat, na kehlei ah pakhat hawng kan totir,” an ti.

THILTI 3:21

Sikhawmsele, zeizawng siamṭhat tik a tlung lânlo chu vân nih anih chu a kil rih ding asi; chu siamṭhat ding thu chu Pathian nih laikulh a siam tîr thawk hen a khuavâng thenhlimh tla kâ hen a sim rawh kha.

2 TIMOTHE 2:12

Kan tuar chun a lâirêlnâk ah lâi kan rêl lai. Amah kan phehtâk chun anih khawm nih hawng kan phehtâk lai.

JOSUA 3:12

Tuah minung leinih thîm ule, Israel phun kip ah mi pakhat vima hen simh u.

2 PETER 3:13

Sikhawmsele, Pathian thutiam hâwi hen vân thar leh tual thar, a sungah repnâk um ding mi chu kan ngâk asi.

THUPHUANG 11:16

Chun, Pathian mâika ah an laltophah ah upa kul leh pali an to mi tla chu bawkbukhup hen Pathian an mâimûk le,

THUPHUANG 12:1

Chun, thilchê rokual tak vân ah a hawng lang le, nunau nî hen â thuam le, a kê tangah thlâpa a um mi, ârfi leinih hen siam mi lallukhuh â khuh mi a um.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 21:5

Chun, laltophah ah a to mi nih chun, “Ngâinik, thil zawzawng ka siam thar rawh,” a ti. Chun, ka sinah, “Rîn rawh, hi bang thu hi a dik hen zumh a kâi asi,” a ti.

THUPHUANG 22:2

Chun, nungnâk thing, tiva kap khatlei vevê ah zât leinih hen thla kip a rah mi a um le, chu thingnah tla chu phun kip damhnâk ding asi.

THUPHUANG 22:5

Chun, zân a um lai lo le, khâwnvâr chêu leh nî chêu a herh lai lo le, Lalpa Pathian chu an chêu asi ruangah, zungzâl hen lâi a rêl lai rawh.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

THUPHUANG 7:4

Chun, Pathian singsiahnâk hen an chal ah an singsiah zat chu ka theih. Israel thlâk phun kip a mi nuai khat leh sîng li leh sâng li an singsiah rawh asi.