MATHAI 19:27 - Bawm Common Language Bible Version

²⁷ Chun, Peter nih a sim le, “Zauhnik, kannih nih zeizawng kaltâk hen ka nan zûl le, zei me kan tawng lai ne?” a ti le, a deih.

MATHAI 19:27 ပူးပေါင်းရင်းမြစ်များ

MATHAI 19:26

Chun, Jisu nih annih chu a zauh le, an sinah, “Chu chu minung rangah ti kho asi lo le, Pathian rangah lam chun zeizawng ti kho asi,” a ti.

MATHAI 19:28

Chun, Jisu nih an sinah, “Thungâi tak hen ka nan simh na, Siamtharnâk ah chun Minung Fapa a rokualnâk tophah ah a to tikah, nannih hawng ka zûltu tla hi, Israel phun leinih tla chu lâirêl hen, laltophah leinih lakah nan to bâk teh lai.

MATHAI 9:9

Chun, Jisu chu, chu thawk hen chun a kal vima le, siah châwinâk mun ah a to mi, minung pakhat a min, Mathai a muh; chun, a sinah, “Hawng ka zûl rawh,” a ti. Chun, a thawk le, a zûl rawh.

MARK 10:28

Peter nih a sinah, “Ngâinik, kannih nih zeizawng kaltâk hen kan nan zûl rawh,” ti hen, sim a dawmh rawh.

MARK 2:14

Chun, a kal pah hen, Levi, Alphai fapa chu siah châwinâk mun ah to mi a muh le, a sinah, “Hawng ka zûl rawh,” a ti. Chun, a thawk le, a zûl rawh.

LUK 14:33

Chu hâwi ber hen, nan lakah hin âuzawng a neih zawzawng kaltâk lo mi vial chu ka ṭhiruai asi kho lai loh,” a ti.

LUK 15:29

Sikhawmsele, anih nih chun a pa sinah, ‘Ngâi rawh, kum hi tiang hi na rian ka nan ṭuan piak le, na thu tâ nih ka êl dahlo; ka hâwi tla hen lâwmnâk ka siam ding ah kêl fatê khawm na ka pêk lo.

LUK 18:28

Chun, Peter nih, “Zauhnik, kannih nih kan in leh kan lo kaltâk hen ka nan zûl ko rawh,” a ti.

LUK 5:11

Chun, an lawng tla chu vakap ah an kalpi le, zeizawng kaltâk hen amah chu an zûl rawh.

1 KORIN 1:29

Pathian mâika ah âukhawm anna putso kho lai loh.

1 KORIN 4:7

Nang âunih me a nan ti bîk? Na ting lo mi chu zei me na nei? Na ting asi chun zei rangah ting lo hâwi hen na sawr phah?

DEUTERONOMY 33:9

Nu leh pa tla, unau tla, fa tla sin ngâk hen na sinah zumhkâi dauhnâk an langhtir. Na thupêk tla chu an zûl hen, Na thudântuk lakah zumh an kâi.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,