MATHAI 19:22 - Bawm Common Language Bible Version

²² Tlangvâl lam nih chun chu thu chu a theih hen ngaihsia tak hen a kal ving, sum tam tak nei mi asi ruangah.

MATHAI 19:22 ပူးပေါင်းရင်းမြစ်များ

SAM 17:14

hi bang zawzawng duhtu nungnâk lakah mi hi ruang hawng ka suah rawh. An rangah tuarnâk na khawng piak na mi hen rêp na; an fa le rangah tam tâwk rang ding hen leh an fa le tla fa nawlh rang khawm ah mâk piak na ding hen.

EZEKIEL 33:31

Churuangah ka mi tla chu na thusim ngâi ding hen anna pûm le, sikhawmsele ti ding hen na simh na mi chu an ti lêm lo. Na thusim chu la salam hâwi an ruat le, an duhleinâk chu a mahmun nget.

MATHAI 13:22

Chun, bua lingnei nâwngah vawrh mi chu, thu theihtu asi le, sikhawmsele laikulh lungkhamnâk leh neihnâk nih chun thu chu a dawrh le, rah lo hen a hawng um tâwn.

MATHAI 14:9

Chun, lal chu a thinlung a lawksawng rawh; sikhawmsele, a thutiam a buh dumpitu ruangah chun pêk ding thu a pêk.

MATHAI 16:26

Mi nih laikulh hi a pum hen a ting sele, a nungnâk dawk sele, a rangah zei a ṭhatnâk a um lai? Asi lo leh, mi nih a nungnâk rûlah zei me a pêk lai?

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

MATHAI 19:23

Chun, Jisu nih a ṭhiruai tla sinah, “Thungâi tak hen ka nan simh na, minei rangah Vân Ram ah lût chu har tak asi:

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

MARK 10:22

Sikhawmsele, chubang thu lakah chun a mêl chu a hawng mûi khup le, ngaihsia tak hen a kal rawh; sum tam tak nei mi asi ruangah.

MARK 6:26

Chun, lalchem chu thungâi a lawksawng. Sikhawmsele, a siatsirh tla leh a buh dûmpitu tla ruangah chun a êl duh lo.

LUK 18:23

Anih lam nih chun chubang thu chu a theih rawh chun thungâi a zûr le, thungâi a nei ruangah.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

EPHESI 5:5

Pung mang leh mi nâwmtâm leh mi duhlei rerêng nih chun (mi duhlei chu ruk sawnhtu asi) Krist leh Pathian Ram ah chun tingvo rêng an nei lo ti nan theih asi.

KOLOSA 3:5

Chun, nan taksa ṭeng tual a um tla hi thah u, duhnâk, nâwmtâmnâk, hurnâk, duhnâk sual, duhlei hamkah tla hi, hamkahnâk hi ruksawnhnâk asi;