MATHAI 19:17 - Bawm Common Language Bible Version

¹⁷ Chun, anih nih chun, “Thil ṭha thu zeirang ah na ka deih? A ṭha mi chu pakhat cho a um; zeikhawm si sele, nungnâk ah lût na duh chun thupêk tla chu zâwt rawh,” a ti.

MATHAI 19:17 ပူးပေါင်းရင်းမြစ်များ

NEHEMIAH 9:29

Na sîntirnâk tla zûl ding hen na fawrh na le, sikhawmsele, anna zûmnâk ruangah na Dân tla zûl hen nungnâk ding chu an duh lo. An lung an khungtir le, ngaihlo lêm an thlâk le, an zûl duh lo.

SAM 119:68

Na ṭha hen vêl na nei a! Na thupêk tla hawng ka sîntir.

SAM 52:1

Mi rokualpa, zei rangah na sualnâk na putso? Pathian dâwtnâk chu a dawnglo.

EZEKIEL 20:21

“Sikhawmsele, chu thlâk tla khawm nih an ka siarlo. Ka dân tla an buar le, ka thupêk âuzawng a zûltu rangah nungnâk ding mi chu an zûl duh lo. Dinhni tla an nawmh. Anmah tla ramkaro ah thah hep na ding hen ka thinthawknâk fâk tak theihtir na ding ka tum.

LEVITICUS 18:5

Dân ka nan pêk na mi zûl hen ti ule, chu hâwi nan ti chun nan nungnâk nan hum mi asi lai. Kei, LALPA kasi,” a ti.

ROM 10:5

Mosi nih chun “Dân ah repnâk zâwttu chu, chu repnâk ruangah chun an nung lai,” ti hen a rîn.

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

1 JOHAN 4:16

Pathian nih kanmah lakah zângfahnâk a nei ti kan theih le, kan lung asi. Pathian chu zângfahnâk asi, zângfahnâk ah a um kumza mi chu Pathian lakah a um kumza asi. Pathian khawm amah lakah a um kumza asi.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.