MATHAI 19:16 - Bawm Common Language Bible Version

¹⁶ Chun, minung pakhat Jisu sinah a hawng kal le, “Sîntirtu, zungzâl nungnâk ka nei khonâk ding hen thil ṭha zei me ka ti lai?” a ti.

MATHAI 19:16 ပူးပေါင်းရင်းမြစ်များ

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

MATHAI 19:15

Chun, an tlûnah a kut a thâng le, chunah mi chu a kal rawh.

MATHAI 19:26

Chun, Jisu nih annih chu a zauh le, an sinah, “Chu chu minung rangah ti kho asi lo le, Pathian rangah lam chun zeizawng ti kho asi,” a ti.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 25:46

Chun, chubang chu zungzâl rêpnâk ah an kal lai; mirep tla lam chu zungzâl nungnâk ah an kal lai,” a ti.

JOHAN 10:28

an sinah zungzâl nungnâk ka pêk tâwn; an vei rîlmâl lai lo le; âukhawm nih ka thiltikhonâk ah mi an hawng ka suh lai loh.

JOHAN 12:25

Âuzawng a nungnâk unhtu nih chun a thlâu tâwn; âuzawng hi laikulh ah hin a nungnâk siarlotu nih chun zungzâl nungnâk a kil kumza lai.

JOHAN 3:15

Âukhawm amah lungtu nih chun amah ruangah zungzâl nungnâk an nei khonâk ding hen.

JOHAN 4:14

âuzawng an sinah ka pêk ding mi tî dintu vial lam chu zungzâl hen an tîhâl lai loh, kei nih an sinah tî ka pêk ding mi chu an sung ah tî nung a um lai le, zungzâl nung tiang hen a irh lai,” a ti.

JOHAN 5:39

Pathian lasui thu nan rêl tâwn, a sung ah zungzâl nungnâk um hen nan ruat ruangah; chubang chu ka thâwngthâng theihtirtu asi.

JOHAN 6:47

Thungâi tak hen ka nan simh na, âuzawng a lungtu nih chun zungzâl hen nungnâk a nei rawh asi.

JOHAN 6:68

Chun, Simon Peter nih a sinah, “Lalpa, âu sinah me kan kal lai? Nangnih zungzâl nungnâk thu na nei asi.

THILTI 16:30

Chun, annih chu a kalpi na le, “Pu le tla, ruangsuak a um ding hen zei me ka ti lai?” a ti.

ROM 2:7

Thil ṭha ti rarâm hen, rokualnâk leh chawnglawmhnâk leh thi kho lo mi nungnâk hâwltu tla sinah chun zungzâl nungnâk a pêk lai.

ROM 5:21

Sual nih chun thihnâk hen lâi a rêl hâwitê hen Pathian zângfahnâk nih chun repnâk hen zungzâl nungnâk ting kho rê hen kan Lalpa Jisu Krist ruangah lâi a rêl khonâk ding hen.

1 TIMOTHE 1:16

Sikhawmsele, hi ruangah hin asi khuaruatnâk ka tawng mi chu, Jisu Krist nih chun misual chem ka lakah hin â dawnhkho zia zawzawng a langhtir khonâk ding hen hi nûnah zungzâl nungnâk nei ding hen amah lungtu tla rangah zûnzauhnâk ding ah.

1 TIMOTHE 6:12

Lungnâk zuamnâk ṭha chu ti le, zungzâl nungnâk chu tleih rawh; chu chu ting ding hen kawh na si; theihtu tam tak tla mitmuh ah ṭanhnâk ṭha chu na ṭanh rawh kha.

1 TIMOTHE 6:19

Nungnâk, nungnâk tatak chu an kil khonâk ding hen tik hawng tlung ding mi rangah chun lungphûm ṭha tak an rangah khawng ding hen fawrh na.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

TITA 3:7

Chuvachun, a zângfahnâk ah mawhtir lo si hen, zungzâl hen nungnâk lungumnâk hâwi vima hen rotingtu ding ah siam hen kan um kho lai.

1 JOHAN 1:2

Chu nungnâk chu muhkho hen a hawng um le, kan muh rawh; kan theihtir na le, chu zungzâl nungnâk, Pa sinah mi kan sinah theihtir hen a um mi chu kan simh na asi hi.

1 JOHAN 2:25

Amah Jisu Krist nih pêk ding hen hawng kan tiamh mi chu zungzâl nungnâk asi.

1 JOHAN 5:20

Chun, Pathian Fapa chu a hawng kal le, Pathian dik tak chu theih khonâk hawng kan pêk ti kan theih. A Fapa Jisu Krist hen tlâinâk kan nei mi lakah Pathian dik tak hen tlâinâk kan nei asi. Hi hi Pathian dik tak leh zungzâl nungnâk chu asi.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.