MATHAI 19:13 - Bawm Common Language Bible Version

¹³ Chu liau chun an tlûnah a kut thâng hen thla a cham piak na ding hen a sinah ngâksia tetê an hawng put na le; chun ṭhiruai tla nih chun an fâi na.

MATHAI 19:13 ပူးပေါင်းရင်းမြစ်များ

GENESIS 48:1

Chu nûnah chun Josef chu a pa a damlo ti an simh. Churawhchun, a fapa panih Efraim le Manaseh chu a pa va zauh ding hen a kalpi na.

JEREMIA 32:39

Dam sungah tumnâk pakhat cho ka pêk na lai le; zeiliau zawng ah an hawng ka zah ding hen, anmah leh an thlâk tla ṭhatnâk ding hen.

MATHAI 16:22

Peter nih chun a dangtê hen a kalpi le, “Lalpa, Pathian nih khuaruat seh! chubang chu na tlûnah a tlung rîlmâl lai loh,” ti hen, a khap.

MATHAI 19:12

Mi tilkhei an nu paw sung thawk hen chu hâwi a suak mi rêng khawm an um le, mi tilkhei, minung kut hen khei mi khawm an um; mi tilkhei, Vân Ram ruangah tilkhei hen anna siam mi khawm an um. Âuzawng a zâwt kho mi vial nih zawt seh,” a ti.

MATHAI 20:31

Chun, mi zapi tla nih chun dâisip ding hen an fâi na le; sikhawmsele, annih nih chun, “Lalpa, David Fapa, hawng kan zângfah,” ti hen, fâk khun hen an âu.

THILTI 2:39

A tiamh mi kha nannih rangah khawm, nan fa tla rangah khawm, lât tak ah mi zawzawng rangah khawm, Lalpa kan Pathian nih a sinah a kawh mi vial tla rangah khawm asi,” a ti.

1 KORIN 7:14

Pasal lunglo mi chu a nupi ruangah Pathian sinah pawmtlâk hen a um le; nupi lunglo mi khawm chu a pasal ruangah Pathian sinah pawmtlâk hen a um bâk; chu hâwi si lah sele, an fa tla chu lunglo mi fa tla hâwi an si lai, sikhawmsele chu hâwi asi ruangah annih tla chu Pathian sinah pawmtlâk hen an um asi.

1 SAMUEL 1:24

Chun, a tlei dauh rawh chun Siloh khua ah a kalpi le, kum thum mi chawchal a put le, sangvut kilogramme râ leh uain savun dûr khat a put. Samuel chu a kalpi le, a ngâksia ual rih; Siloh khua ah LALPA in ah a kalpi rawh.