MATHAI 18:7 - Bawm Common Language Bible Version

⁷ Mi zapi tla zumhnâk khamtirtu thil tla ruangah laikulh tlûn a pit! Tlûknâk chu um ding rêng asi. Sikhawmsele, tlûknâk umtirtu tlûn chu a pit!

MATHAI 18:7 ပူးပေါင်းရင်းမြစ်များ

GENESIS 13:7

Churawhchun, Abram ran zauhtu leh Lot ran zauhtu lakah remlonâk a hawng suak rawh. (Chu liau chun Kanaan mi leh Perizit mi tla chu ram lakah an um.)

2 SAMUEL 12:14

Sikhawmsele, hi bang hâwi na thilti nih LALPA na siarlo zia a langh ruangah na fa lam chu a thi lai,” a ti.

MATHAI 16:23

Anih lam chu â her le, Peter sinah chun, “Setan, ka dung leiah kal! ka rangah tlûknâk na si; Pathian thil tla ruat lo hen minung thil tla na ruat dauh mahi,” a ti.

MATHAI 26:24

Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

MARK 13:7

Chun, râltuk thu leh râltuk thuthang tla nan theih tikah lawksawng lah u; chubang chu hawng tlung ding rêng asi; sikhawmsele, dawnghnâk chu asi lo rih.

LUK 17:1

Chun, Jisu nih a ṭhiruai tla sinah, “Tlûknâk tla hi um lo kho asi lo, sikhawmsele, tlûknâk umtirtu tlûn chu a pit!

JOHAN 17:12

An sinah ka um liau khan, nangnih kei na ka pêk mi tla hi na min hen ka hum tâwn; annih chu ka vêng le, an lakah pakhat khawm an vei lo, a tlâu ding mi pa lo kha chu; Pathian lasui thu a hawng tlung khonâk ding hen.

THILTI 1:16

“Unau le tla, Thlarau Thenhlimh nih, David kâ ah, Jisu tleihtu tla ruitu Juda thu a simhkan mi kha, kha Pathian lasui thu kha a hawng tlung ding rêng asi.

1 KORIN 11:19

Nan lakah a tak tak tla chu an lang khonâk ding hen nan lakah lungnâk dang a um ding rerêng asi.

1 TIMOTHE 6:1

Pathian min leh a sîntirnâk thu simsiat hen a um lonâk ding hen sal si mi tla nih chun anmah hotu tla thu zeizawng ah chawnglawmh tlâk ah ruat na seh.

JUD 1:4

Pathian thu lunglo tla a thup hen kan sinah an hawng lai le, Pathian zângfahnâk thu chu râwk hen anmah duhzia a um tum hen Jisu Krist kan Lal leh Hotu an duh lo, hi mawh hen an um ding mi tla hi a lân thawk hen Pathian lasui thu nih a sim ving rawh asi.

1 SAMUEL 2:17

Hi Eli fapa tla sualnâk hi LALPA mitmuh ah a ti tuktarâi rawh. LALPA sinah thil ap tla chu an zah lo tuktarâi ruangah.