MATHAI 18:3 - Bawm Common Language Bible Version

³ “Thungâi tak hen ka nan ti na, nanna lêt hen ngâksiatê hâwi nan silo chun Vân Ram ah nan lût rîlmâl lai lo.

MATHAI 18:3 ပူးပေါင်းရင်းမြစ်များ

SAM 131:2

Chu ngâk hen chun, lungsi tak leh lungngam tak hen um ka duh dauh. Fa chu a nu ṭângka ah â ngauh mi hâwi hen ka thinlung nuam tak hen a um.

ISAI 6:10

Churawhchun, ka sinah, “Hi minung tla thinlung hi mawlâwttir, an nâ sêttir, an mit tla châwtir, an muh kho lo hen an theih kho lo hen, an theihthiam lonâk ding hen. Chu hâwi asi lo chun, keimah leiah an hawng a her lai le, damh an si lebang lai,” a ti.

MATHAI 13:15

Hi phun tla thinlung hi a mawlâwt rawh le, an nâ tla a ngawng ver le, an mit an sîm ver, Chu lo chun kan mit hen kan muh lai le, kan nâ nih a theih lai le, kan thinlung hen kan theih ber lai le, kanna lêt nawlh lai le, anih nih hawng kan damh sual lebang lai,’ an ti, a ti mi kha.

MATHAI 18:2

Chun, anih nih chun ngâksiatê a kawh le an lakah a dîrtir le,

MATHAI 18:4

Chun, hi ngâksiatê hâwi hen â nâutir mi zawng, chu minung chu Vân Ram ah a rokual chem lai.

MATHAI 19:14

Jisu lam nih chun, “Ngâksia tetê ka sinah hawng kaltir ule, nar lah na u; Vân Ram chu hi bang hâwi mi tla tâ asi ruangah,” a ti.

MATHAI 19:23

Chun, Jisu nih a ṭhiruai tla sinah, “Thungâi tak hen ka nan simh na, minei rangah Vân Ram ah lût chu har tak asi:

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MATHAI 5:20

Nanna repnâk nih Dân sîntirtu tla leh Farisai repnâk hi a khûp lânlo chu Vân Ram ah nan lût kho lai loh ti ka nan simh na.”

MATHAI 6:16

“Buh nan ngei tik khawm ah mi perpê tla hâwi hen zûr mêl put lah u; annih nih chun mi mitmuh ah buh an ngei mi an langh khonâk ding hen an mêl an zûrtir tâwn. Thungâi tak hen ka nan simh na, an lâwmman chu an tawng dih rawh.

MATHAI 6:2

“Chuvachun, mi sinah zeilo na pêk chun, mi perpê tla nih mi sawr an lawh khonâk ding hen, pumhnâk in tla ah, zâwllâi tla ah an ti tâwn hâwi hen na mâika ah tâwtawrâwt tumtir lah. Thungâi tak hen ka nan simh na, an lâwmman chu an tawng thluh rawh.

MATHAI 6:5

“Chun, thla nan cham chun mi perpê tla hâwi hen nan ti ding asi lo; mi nih an muh khonâk ding hen pumhnâk in tla ah, zâwllâi lamṭhuam tla ah dîr bû hen thlacham an sunhsak tâwn. Thungâi tak hen ka nan simh na, an lâwmman chu an tawng thluh rawh.

MARK 4:12

Chuvachun, ‘Muh lam chu an muh kho narêng hen, theih lam chu an theih kho lonâk ding hen leh, Nâ hen an theih narêng hen a ngaihtawnhnâk lam chu an theih kho lonâk ding hen. Chu lo chun anna her nawlh lai le, ngaihdam an hawng si sual lebang lai,” a ti.

LUK 13:24

“Kawtkâ bî ah chun lût tum râm u; ka nan simh na, mi tam tak nih lût an tum lai le, an lût kho lai loh.

LUK 22:32

Sikhawmsele, na lungnâk a tlâu lonâk ding hen thla ka nan cham piak asi. Na sîr nawlh tikah nangmah nih na unau tla chaktir na,” a ti.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 3:3

Chun, Jisu nih a sâng le, a sinah, “Thungâi tak hen ka nan simh, mi âukhawm a suaknawlh lo chun Pathian Ram a muh kho lai loh,” a ti.

JOHAN 3:5

Jisu nih a sâng le, “Thungâi tak hen ka nan simh, mi âukhawm tî ah leh Thlarau ah a suak lo chun Pathian Ram ah a lût kho lai loh.

THILTI 14:22

“Hamhnâk tam tak tuar hen Pathian Ram ah kan lût ding rerêng asi,” ti hen ṭhiruai tla thinlung an birhtir le, lungnâk ah chun um kumza ding hen an fawrh vima na.

THILTI 28:27

Hi phun thinlung hi a mawlâwt le, an nâ tla a ngawng dauh le, an mit khawm an sîm le, chu lo chun an mit hen an muh lai le, an nâ hen an theih lai le, an thinlung hen an theihthiam lai le, anna her nawlh lai le, chun kei nih ka damh na lebang lai,’ a ti ruangah.

THILTI 3:19

Churuangah nan sual tla tlâutir asi khonâk ding hen rim ule, a her nawlh u.

1 KORIN 14:20

Unau le tla, thinlung leikâng ah ngâksia lah u. Sikhawmsele, sual leikâng lam chun fasêm si ule, thinlung leikâng lam chun upa si u.

1 PETER 2:2

Fasêm suakthar tla hâwi hen thlarau lei nûk hâng thenhlimh chu duh u; chu nûk hâng chu din hen ṭhang leh ruangsuah nan si khonâk ding hen.

2 PETER 1:11

Hi hâwi hen, Jisu Krist kan Lalpa leh ruangsuahtu zungzâl ram ah lût khonâk chu pêk nan si lai.