MATHAI 18:28 - Bawm Common Language Bible Version

²⁸ “Sikhawmsele, chu to-aw chu a suak le, a to-aw hâwi tla lakah pakhat denari zâ battu a muh le; chun a theih le, ‘Na bat mi kha hawng ka pêk rawh,’ ti hen, a rawm a dît.

MATHAI 18:28 ပူးပေါင်းရင်းမြစ်များ

NEHEMIAH 10:31

Ramdang minung nih fâng mawh zei thil tal Dinhni ah mawh, ni thenhlimh dang ni ah mawh hawng kan zawrh khawmsele, kan châwk ding asi lo. A kum sarihnâk kum ah ram lakah lo kan tuah lai lo, kan lakah anna bat mi tla khawm kan veih lai.

NEHEMIAH 5:7

Mipi tla lakah, rianṭuantu leh ruitu tla rangah, “Nan unau tla nan nehsawh asi,” ti hen ka châk na. Mi zapi tla thuruat ding hen ka pumh na le,

THUFING LASUIBU 28:3

Mi nih a thuneihnâk hen mipâm tla nehsawhtu chu tlenhpengtu ruah nih thlâi a râwk mi hâwi asi.

ISAI 58:3

Zapi tla nih, “LALPA nih â theihtir lêm lo hen zei rangah buh kan ngei lai? Kan thu ngâilo pet hen zei rangah buh lo hen kan kal lai?” an ti. LALPA nih an sinah, “A san dik tak chu, buh nan ngei liauah nanmah nuam tinâk leikâng nan zûl le, nan rianṭuantu rangah nan nehsawh na.

EZEKIEL 45:9

LALPA Zahkâi nih, “Nannih Israel lâirêltu tla, nan sual zia a sâwt tuktarâi rawh! Mi rangah siatnâk nan ti mi leh nan nâunehnâk bâng u. A dik mi leh â rep mi ti u. An ram sungah mi ka mi tla nan suaktir na ding asi lo rawh. Kei, LALPA Zahkâi nih hi hi ka nan simh na asi.

MATHAI 18:27

Chun, chu to-aw pu nih chun thungâi a zângfah le, a thlah le, â bat mi chu a ngaihdam rawh.

MATHAI 18:29

Chuvachun, a to-aw hâwi chu a bawk le, ‘Hawng ka ngâichâng rih le, ka nan pêk teh lai,’ ti hen a ngiar chiam.

MATHAI 20:2

Chun, anih nih chun rianṭuantu tla hen ni khat ah denari khat lawh ding hen an thlûk ka hen a grep dûm ah a fial na rawh.

MARK 14:5

Hi sariak hi denari zathum ngâk a tam dauh zuar hen, mipâm tla sinah pêk kho asi mi,” an ti. Chun, a tlûnah an chipchiar rawh.

MARK 6:37

Anih lam nih chun an sinah, “Nanmah nih ei ding pêk na u,” ti hen, a sâng. Chun, annih nih chun a sinah, “Sang denari zanih man va châwk hen ei ding kan pêk na awt masi?” an ti.

LUK 10:35

Chun, a thâituan ah chun denari panih a thuak le, khual tlungnâk in vêngtu sinah a pêk le, ‘Hawng bulsân le, hi lei na hêu mi vial chu ka hawng kîr nawlh tikah ka nan rulh nawlh lai,’ ” a ti.

LUK 7:41

Chun, Jisu nih, “Tangka pûktirtu pakhat sinah mi panih nih lei anna bat. Pakhat denari zâ â bât le, pakhat nih sâwmnga.

JOHAN 6:7

Philip nih a sinah, “Mi kip nih tâwm seng anna ting ding khawm hen denari zanih man sang nih a tinh lai lo,” a ti le, a sâng.

DEUTERONOMY 15:2

Hi hâwi hi nan ti ding mi chu asi. Mi âuzawng nih nan hâwi Israel lakah tangka nan lângtir na mi tla chu veih piak na u, tangka chu âukhawm nih chawh lah seh, LALPA amah tak nih â bat mi chu veih asi rawh a ti ruangah.