MATHAI 18:13 - Bawm Common Language Bible Version

¹³ Thungâi tak hen ka nan simh na, a tawng nawlh vêk chun sâwmkua leh pakua a tlâu lo mi tla tlûn ngâk hen chun a tlûnah â lâwm dauh lai.

MATHAI 18:13 ပူးပေါင်းရင်းမြစ်များ

SAM 147:11

sikhawmsele, amah zahtu tla leh a dâwtnâk dawnglo ngauhsantu tla chu a lawmh na.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

MATHAI 18:12

“Zei hâwi hen nan ngaih? Mi âunih mawh dawrâ zâ nei sele, an lakah pakhat pêu sele, sâwmkua leh pakua chu mâk hen, tlângah kal hen a tlâu mi chu a hâwl lai lo mazei?

MATHAI 18:14

Chu hâwi ber hen mi mê tla lakah pakhat a vei mi khawm hi nan Pa vân ah mi duhzia asi lo.

1 KORIN 13:6

sual leikâng a dawn lo, replonâk ah â lâwm lo, thutak lam chu a lawmhpi tâwn.

JEM 2:13

Khua a ruat lo mi minung chu Pathian nih lâi a rêl tikah a tlûnah khua a ruat bâk awtlo, sikhawmsele, khuaruatnâk nih chun lâirêlnâk a neh.