MATHAI 18:12 - Bawm Common Language Bible Version

¹² “Zei hâwi hen nan ngaih? Mi âunih mawh dawrâ zâ nei sele, an lakah pakhat pêu sele, sâwmkua leh pakua chu mâk hen, tlângah kal hen a tlâu mi chu a hâwl lai lo mazei?

MATHAI 18:12 ပူးပေါင်းရင်းမြစ်များ

1 Lal 21:17

Churawhchun, LALPA nih Tishbe khua mi khuavâng Elija sinah,

SAM 119:176

Dawrâ tlâu hâwi hen ka vâi le, churuangah hawng le, hawng ka zauh, Na to-aw hi, na dân thu chu ka thlawrhthlâu lo ruangah.

ISAI 53:6

Kan ektê hen dawrâ a tlâu mi hâwi kan si le, mah duhnâk lei chiauah kan kal. Sikhawmsele LALPA nih rêpnâk chu a tlûnah a tlungtir. Kan ektê rêp kan tuar ding mi rûlah a tuar.

JEREMIA 50:6

“Ka mi tla chu dawrâ a dâwngpu nih tlâng sâng takah a thlâu na mi hâwi an si. Dawrâ rual hâwi hen tlâng khat thawk hen tlâng dang tla khawm ah an vâi le, an umnâk in khawm an theih lo rawh.

EZEKIEL 34:12

kei, LALPA Zahkâi, keimah ngelchel nih ka dawrâ chu ka zauhkhenh awt ti ka nan simh na asi. Vânduainâk ni ah anna rekrâwinâk mun zawzawng mûi lakah mi chu ka lâk nawlh na lai.

EZEKIEL 34:16

“A tlâu mi tla chu ka hâwl na lai le, a vâi mi tla chu ka va khawk na lai, a liam mi tla chu ka tuam piak na lai, a damlo mi chu ka damh lai le; sikhawmsele kei chu dawrâpu thil dik titu kasi ruangah a bit mi leh a chak mi tla ka veih na awt.

EZEKIEL 34:28

Lunglo phun tla nih an rûn lai lo rawh le, ramsa tla khawm nih an thah hen an ei na lai lo rawh. Him tak hen an um lai le, âukhawm nih an lauh na lai lo rawh.

EZEKIEL 34:4

A chak lo mi khawm nan bulsân lo, a damlo mi khawm nan damh na lo, â liam mi tla khawm nan tuam piak lo, a vâi mi khawm nan va dawng na lo, a tlâu mi khawm nan hâwl na lo. Chu ngâk hen nan nehsawh na.

EZEKIEL 34:6

Churuangah ka dawrâ tla chu tlâng sâng leh mual tla ah an vâi rawh. Laikulh zawzawngah anna rekrâwi le, âukhawm nih an zauhkhenh hen hâwl ding an tum lo.

MATHAI 12:11

Chun, Jisu nih chun an sinah, “Nan lakah âutal nih dawrâ pakhat nei ule, chu chu Dinhni ah khursaduap ah tlâ sele, âunih me tleih hen nûk lo lai?

MATHAI 18:13

Thungâi tak hen ka nan simh na, a tawng nawlh vêk chun sâwmkua leh pakua a tlâu lo mi tla tlûn ngâk hen chun a tlûnah â lâwm dauh lai.

MATHAI 21:28

“Sikhawmsele, nannih nih zeitin nan ngaih? Mi âunih mawh fapa panih a nei. Pakhat sinah chun a va kal le, ‘Ka fa, tusûn ah grep dûm ah rian va ṭuan’ a ti.

MATHAI 22:42

“Mesia chu zei hâwi nan ngaih? Âu fapa mesi?” a ti. Annih nih chun a sinah, “David Fapa,” an ti.

1 KORIN 10:15

Mi fing tla sinah sim hâwi hen ka sim asi: Ka thusim hi dawn set nik u.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.