MATHAI 17:3 - Bawm Common Language Bible Version

³ Chun, Mosi leh Elija chu amah hen a sâwn hen an sinah anna langh.

MATHAI 17:3 ပူးပေါင်းရင်းမြစ်များ

1 Lal 17:1

Khuavâng pakhat a min Elija Gilead ram ah Tishbe khua mi nih lalchem Ahab sinah, “LALPA Israel Pathian, a rian ka ṭuan mi min hen ka nan simh asi, kum nih mawh kum thum sung chu sûr ding ka sim lânlo chu ruah leh dâm rerêng a sûr hen a tlâ lai lo,” a ti.

MALAKI 4:5

Sikhawmsele LALPA ni ṭihnungkâi leh rokual tak a hawng tlung lânah nan sinah khuavâng Elija ka hawng fial lai.

MATHAI 17:2

An mâika ah chun a mêl umzia chu a hawng a dang rawh. A mêl chu nî hâwi hen a hawng chêu le, a nipuan tla chu chêu hâwi hen a hawng vâr rawh.

MATHAI 17:4

Chun, Peter nih Jisu a sawnh le, “Lalpa, kan rangah hinah um hi a ṭha; na duh chun hinah hin basâ pathum ka khuar lai; nang rangah pakhat, Mosi rangah pakhat, Elija rangah pakhat,” a ti.

MARK 9:4

Chun, Elija leh Mosi chu an sinah an hawng a langh le, Jisu hen anna sâwn.

LUK 1:17

Chun, pa le tla thinlung chu fa tla leiah hawitir ding hen leh mi thu ngâi lo tla chu mirep tak finghnâk leiah hawitir ding leh Lalpa rangah mi a tîm zet ding lebang ah timhtuah ding hen Elija thinlung leh a thiltikhonâk put hen Lalpa mâika ah a kal lai,” a ti.

LUK 16:16

“Dân leh khuavâng tla thu chu Johan a hawng um tiang khan a um le; chu thawk chun Pathian Ram Thâwngthâng Ṭha an sim le, mikip zângran ko hen an lût chiau.

LUK 24:27

Chun, Mosi leh khuavâng lasui thu thawk hen a dawmh le, Pathian lasui thu zawzawng ah amah thâwngthâng rîn mi vial chu anmah tla a simhfiang vima na.

LUK 24:44

Chun, an sinah, “Hi hi ka thu kha asi, Mosi Dân ah, khuavâng lasuibu ah leh Sawrnâk labu tla ah ka thâwngthâng rîn mi vial a hawng tlung ding zia nan sinah ka um liauah ka nan simh tâwn na kha,” a ti.

LUK 9:33

Chun, Mosi leh Elija nih Jisu an ṭhen awt liauah Peter nih Jisu sinah, “Sîntirtu, kan rangah hinah um hi a ṭha; basâ pathum kan khuar lai le, nang rangah pakhat, Mosi rangah pakhat, Elija rangah pakhat,” a ti le, (A thusim khawm theih lo hen.)

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

DEUTERONOMY 18:18

Anmah lakah mi nangmah hâwi mi khuavâng pakhat an sinah ka fial lai le; thusim ding mi tla chu ka simh lai le, thu ka pêk mi tla zawzawng chu zapi tla a simh na lai.

DEUTERONOMY 34:10

Israel ram ah Mosi hâwi khuavâng an um dahlo; LALPA nih mâitawnh hen thu a simh.