MATHAI 17:23 - Bawm Common Language Bible Version

²³ Chun, an thah lai le, ni thum ni ah thawknawlh hen a um lai,” a ti. Chun, a ṭhiruai tla chu thungâi an lawksawng rawh.

MATHAI 17:23 ပူးပေါင်းရင်းမြစ်များ

SAM 16:10

Thihnâk thiltikhonâk ah mi na ka hum hen na dâwt mi chu laikulh thihnâk lakah na mâk awtlo ruangah.

SAM 22:15

Ka rawm chu valeidip hâwi hen a châr le, ka lei khawm ka dang ah â bêk ving. Phildip nâwngah thi ding hen na ka mâk.

ISAI 53:7

“Fâk tak a nehsawh hen a um le, sikhawmsele nâu tak hen â dawnh le; tâwm khawm hâu a suah lo. Thah ding mi dawrâ fa hâwi hen leh a mul mêt ding mi dawrâ hâwi hen tâwm khawm a hâu a suah lo.

DANIAL 9:26

Chu chu hun dawngh ah chun Pathian nih ruitu a thîm mi chu diklo tak hen thah hen a um lai. Lâirêltu thiltikho tak rûntu kawrsen tla nih khuapi leh Biakin khawm an râwk lai. A dawnghnâk chu tîlian hâwi hen Pathian nih a timhtuah mi râltuk leh siatnâk a hawng tlung lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 16:21

Chu ri rawh chun, Jisu nih Jerusalem ah a kal ding tla, upa tla, bâwlpu lal tla leh Dân sîntirtu tla lakah thil tam tak a tuar ding zia tla, thah hen a um ding zia tla, ni thum ni ah thawk hen a um ding zia tla chu a ṭhiruai tla theihtir a dawmh rawh.

MATHAI 17:9

Chun, tlângah mi chu an ṭum liauah Jisu nih an sinah, “Minung Fapa hi mithi lakah mi a thawknawlh lânlo chu hi muhtirnâk nan muh mi kha âukhawm simh lah u,” ti hen thu a pêk na rawh.

MATHAI 20:19

nihsuak siamnâk ah mang ding leh vuak ding leh kraws ah khenh ding hen Phundang tla sinah an pêk lai; chun ni thum ni ah thawk hen a um lai,” a ti.

MATHAI 27:63

“Ka pu, chu perpettu nih chun a dam liauah khan, ‘Ni thum nûnah ka thawknawlh lai,’ a ti mi kan theih ko.

MARK 8:31

Chun, Minung Fapa nih chun thil tam tak a tuar ding mi leh upa tla, bâwlpu lal tla, Dân sîntirtu tla duh lo hen a um ding mi tla, thah hen a um ding mi tla, ni thum ni ah a thawknawlh ding mi tla chu a sîntir na rawh.

MARK 9:30

Chun, chunah mi chu a suak le, Galili ram chu an lan le, âukhawm nih an theih ding a duh lo.

JOHAN 16:6

Hi bang thu hi ka sim ruangah nan thinlung chu ngaihsiat hen a khat.

JOHAN 2:19

Jisu nih an sinah, “Hi Pathian Biakin hi râwk ule, ni thum karah ka dirh nawlh lai,” a ti le, a sâng.