MATHAI 16:27 - Bawm Common Language Bible Version

²⁷ Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:27 ပူးပေါင်းရင်းမြစ်များ

JOB LASUIBU 34:11

Mi tla chu an thilti hâwi hen, lâwmman a pêk tâwn le, anmah ruam vima hen an tlûnah thil a ti.

SAM 62:12

LALPA, nangmah ngelchel nih, mikip an thilti hâwi vima hen lâwmman pêk na.

THUFING LASUIBU 24:12

Kei ti ding mi zât asi lo na ti kho, sikhawmsele Pathian nih na thinlung ruat a theih le, lâi a rêl. A nan vêng tet le, a nan theih ko. Na thilti zia zia hen an pêk lai.

THUSIMTU 3:17

Ka thinlungah “Pathian nih mirep leh misual lakah bang cho hen lâi a rêl piak na awt, thil zeizawng leh thilti mi khawm a tik ruat mi lakah a hawng um lai,” ka ti.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 32:19

Fing tak hen thilti ding na ruat le, thil rokual na ti; mikip nih thil an ti mi na muh, an thilti zia hâwi vima hen lâwmman na pêk na.

EZEKIEL 18:20

Thilsual titu chu a thi ding asi. A pa sual ruangah a fa nih a tuar ding asi lo, a fapa sual ruangah a pa khawm nih a tuar ding asi lo. Mi ṭha nih thil ṭha ti lâwmman a tawng lai le, misual nih a thilsual ti mi ruangah a tuar lai.

EZEKIEL 7:27

Lalchem khawm a ngaih a sia lai le, lal fa tla khawm an lung a dawng lai le, zapi minung tla khawm lâu hen anna nîn lai. Nan thilti zawzawng ruangah kan rêp na lai le, midang tlûnah lâi an rêl mi hâwitê hen nan tlûnah lâi ka rêl lai. Hi nih LALPA kasi ti a nan theihtir na lai,” a ti.

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

ZEKARIA 14:5

Chu tlâng panih tivakuam a ṭhen phawknâk hen nan suak lai. Juda lal Uziah san ah lî ninh liauah an thlâk natu an tek mi hâwi hen nan tek lai. LALPA ka Pathian chu a vânmifial tla zawzawng put hen an hawng lai.

MATHAI 13:41

Minung Fapa nih hin a vânmifial tla chu a fial lai le, a ram thawk hen sualtirtu tla leh thilsual titu tla zawzawng chu a khawk na lai le,

MATHAI 13:49

Laikulh dawngh tikah chun chu hâwi ber hen a um lai. Vânmifial tla chu an hawng suak lai le, mirep lakah mi misual tla chu an thlei na lai;

MATHAI 24:30

Chu tik ah chun Minung Fapa singsiahnâk chu vândum ah a lang lai. Chu tik ah chun tual ah chi kip nih an ir an chumh lai le, chun Minung Fapa hi thiltikhonâk leh rokualnâk fâk tak hen vân sûm tlûnah a hawng kal mi an muh lai.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MARK 14:62

Chun, Jisu nih, “Ka si; Minung Fapa hi thiltikhonâk vawrhlei ah to hen, vân sûm lakah a hawng mi nan muh awt asi,” a ti.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

LUK 21:27

Chu tikah chun Minung Fapa hi thiltikhonâk leh rokualnâk fâk tak hen sûm lakah a hawng kal mi an muh lai.

LUK 22:69

Sikhawmsele, tu rî hen chun Minung Fapa hi Pathian thiltikhonâk vawrhlei ah a to lai rawh,” a ti.

LUK 9:26

Âuzawng keimah leh ka thu zahpitu zawng, Minung Fapa nih hin, amah rokualnâk hen leh a Pa rokualnâk hen vânmifial thenhlimh tla rokualnâk hen a hawng kal tikah chun, chu minung chu a zahpi lai.

JOHAN 21:22

Jisu nih a sinah, “Ka hawng kal nawlh tiang um kumza ding hen duh châng sele, na rang zei me si? Nangmah nih hawng ka zûl ko,” a ti.

JOHAN 21:23

Chuvachun, chu ṭhiruai chu thi lo ding hen a thu chu unau tla lakah a thang rawh; sikhawmsele, Jisu nih a thi lai loh ti a sinah a sim lo. “Ka hawng kal nawlh tiang hen um kumza ding hen duh châng sele, na rangah zei me si?” a ti mi cho asi.

THILTI 1:11

Annih nih chun, “Galili ram mi tla, zei rangah vân lei zauh hen nan dîr ko? Hi Jisu nan sin thawk hen vân ah kâi hen a um mi hi vân ah a kâi mi nan muh hâwi ber hen amah ngelchel hi a hawng kal nawlh lai,” an ti.

ROM 14:12

Chun, kan ektê hen Pathian sinah mah thâwngthâng kan sim chiau ding asi.

ROM 2:6

Pathian nih chun mikip an thilti hâwi vima hen lâwmman a pêk lai.

1 KORIN 15:23

Sikhawmsele, mah tik chiau vima ah, Krist chu thawhnâk mâitâwntu asi le, chu nûnah a hawng kal nawlhnâk ah Krist tâ tla chu.

1 KORIN 3:13

Krist a hawng langh Ni ah chun a langtir awt ruangah; chu Ni ah chun mei ngelchel nih mikip rianṭuan chu zei hâwi me asi a nik lai rawh.

1 KORIN 8:8

Sikhawmsele, ei ding nih hin Pathian mit hawng kan tlungtir lêm lo, ei lah khawmsele kanna râwk lêm lo, ei khawmsele kan ṭha lêm lo.

2 KORIN 5:10

Mi kip nih taksa thil tla chu a siat a ṭhat hen kan ti hâwi vima hen kan tawng chiau khonâk ding hen Krist lâirêlnâk tophah mâika ah chun langhtir hen kan um ver ding asi.

EPHESI 6:8

to-aw khawm si seh, to-aw lo khawm si seh, mikip nih thil ṭha an ti mi vial chu Lalpa sinah mi a lîlâ an tawng nawlh lai ti theih hen, taksa ah nan hotu tla thu zâwt u.

KOLOSA 3:25

Thil diklo titu nih chun a thilti diklo man chu a tawng nawlh lai; Pathian nih mikip chu bang ver hen lâi a rêl ruangah.

1 THESALONIKA 4:16

Lalpa tak chu âu hâu hen, vânmifial chungnungchem hâu hen, Pathian tâwtawrâwt hâu hen, vân thawk hen a hawng ṭum awt dangâiah; chun, Krist ah thi rawh tla chu an thawk masa lai le;

JEM 5:7

Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.

JUD 1:14

Adam thawk hen san sarihnâk Enok nih chun chubang tla thu chu hun sâwt tak thawk hen a simkan rawh asi, “Ngâinik u, Pathian lunglotu tla nih an thilti leh an thusim ṭihnungkâi tak leh Pathian an simsiat ruangah, lâirêl ding hen Lalpa chu a vânmifial thenhlimh sâng tam tak hen a hawng awt,” ti hen.

THUPHUANG 1:7

Ngâinik u, anih chu sûm tla hen a hawng awt, mikip nih an muh lai le, a sunhtu tla khawm nih, laikulh ah phun zawzawng nih amah ruangah an thinlung a fâk lai. Chu hâwi asi! Amen.

THUPHUANG 2:23

Chun, kei khawm nih a zûltu tla chu ka thah na lai le, kawhmi murui tla nih chun kei hi mi duhnâk tla leh an thinlung tla dawnruatnâk theihtu chu kasi ti an hawng ka theih lai, chun, nan thilti hâwi vima hen kan rulh na lai.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.