MATHAI 16:18 - Bawm Common Language Bible Version

¹⁸ Chun, nang Peter na si ti ka nan simh; hi lungpi tlûnah hin ka kawhmi ka dirh lai le, thihnâk nih chun a neh lai lo.

MATHAI 16:18 ပူးပေါင်းရင်းမြစ်များ

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

2 SAMUEL 18:4

Lalchem nih, “ṭha nan ti zia zawng ka ti lai,” a ti. Churawhchun, kulh kawtkâ kiangah a dîr le, a mi tla chu a sâng murui leh zâ murui hen an suak rawh.

JOB LASUIBU 38:17

Laikulh thihnâk kawtkâ vêng chu âutal nih an zauhtir rawh ma?

SAM 107:18

Buh khawm an lam kho lo le, thihnâk naih hen an um.

SAM 127:5

Chu hâwi hen thalzum tam tak a nei mi chu a thaw a suak. Lâirêlnâk mun ah a mêlma tla hen anna tawng khawm ah neh hen a um dah lai lo.

SAM 129:2

“Ka mêttê thawk hen, ka mêlma tla nih fâk tak hen an ka nehsawh le, sikhawmsele an hawng ka neh loh.

SAM 69:12

Khualâi tlâng ah keimah thu karo an sim, Zurî mi tla nih la hen an ka suangkhâng.

SAM 9:13

LALPA, ka lakah khuaruat rawh! Ka mêlma tla nih nganfâk an ka pêk mi hi zauh le! Thihnâk lakah mi hawng ka suah rawh LALPA,

THUFING LASUIBU 24:7

Finghnâk thusim chu mi mâwl rangah theihthiam ding hen a thûk tuk. Thu herh an ruat liauah zeikhawm sim ding a nei lo.

ISAI 28:16

Hi hi, tuah, LALPA zahkâi nih, ‘Zion lungphun bir tak leh chak tak ka siah. Chu lakah chun a ki mi lung ka siah le, chu lakah thu tla rîn mi ka siah, ‘Lungnâk bir tak chu a felfê ber asi.’

ISAI 28:6

Lâirêltu tla sinah chun dik tak hen theihnâk a pêk na lai le, dotu tla lakah khuapi kulh kawtkâ vêngtu tla chu râlṭhatnâk a pêk na lai.

ISAI 38:10

Ka dam liau ni ṭha hi laikulh thihnâk ah kal hen, Dam lo rawh ding hen ka ruat.

ISAI 54:17

Sikhawmsele, zei riamnâm khawm nih nganfâk a nan pêk kho lai lo; A nan phiartu tla zawzawng na sâng ver na lai. Ka to-aw tla chu ka hum na lai le, nehtu ah ka siam na lai,” a ti. Chu chu LALPA nih a sim mi asi.

JONA 2:6

Tlâng bul chirah a kulh kawtkâ khâr kumzanâk sungah ka va kal. Sikhawmsele, nang LALPA, ka Pathian nih tî sungah mi a nung hen na ka thûak nawlh.

MATHAI 10:2

Chun, ṭhiruai leinih tla min chu hi bang hi an si: A masa chem ah chun, Peter an ti mi Simon leh a unau Andri; Zebedai fapa Jem leh a unau Johan;

MATHAI 11:23

Chun, nang Kapernaum, vân tiang hen chawnglawmh na si awt mazei? Mithi khua tiang hen na kal awt asi. Nangmah lakah thilchê tak ti mi tla kha Sodom ah ti mi si sele, tutiang hen a um kumza lai.

MATHAI 18:17

Chun, annih khawm chu a ngâi piak na lo chun, kawhmi tla sinah tlunh le; chun kawhmi tla khawm a ngâi piak na lo chun anih chu Phundang leh siah khawlhtu hâwi hen ruat si seh.

MATHAI 4:18

Chun, Galili Rilî kap ah a kal pah hen, unau panih, Simon (Peter an ti mi chu), a unau Andri hen rilî ah chun lên vawrh hen a muh na; ngarâltu an si rerêng.

MATHAI 7:24

“Chuvachun, mikip hi bang ka thu theih hen zâwttu zawng chu, mi fing lungpi tlûnah in saktu hen tahṭhimh ding asi.

JOHAN 1:42

churawhchun Simon chu Jisu sinah a hawngpi. Jisu nih anih chu a zauh le, “Johan fapa Simon na si, Kipha an sak lai,” a ti le, (chu chu Peter tinâk asi, Peter chu lungpi tinâk asi.)

THILTI 2:47

Pathian an sawr le, mi zawzawng lawmhkâng hen an um tâwn. Chun, ruang a suah mi tla chu Lalpa nih nisiar an sinah a sap vima tâwn.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

THILTI 8:1

Sawl khawm nih a thi mi chu rem a ti. Chun, chu ni ah chun Jerusalem ah kawhmi um tla chu nehsawh tuar anna dawmh rawh. Mifial tla cho lo chu lungtu zawzawng tla chu Judai leh Samaria ram khua kip ah anna rekrâwi ver rawh.

1 KORIN 15:55

“Aw thihnâk, na nehnâk chu zeiah me a um? Aw thihnâk, na tûr kha zeiah me a um?”

GALATIA 2:9

zângfahnâk hawng ka pêk mi chu an theih khawm ah Jem, Peter leh Johan tla hotu ah an ruat mi tla nih chun kannih Phundang tla sinah kal ding leh annih fêmtan tla sinah kal ding hen kei leh Barnaba chu a kawmhnâk kut vawrhlei hawng kan pêk.

EPHESI 3:10

Chun, kan Lalpa Krist Jisu ah hi a tum mi a zungzâl remruat hâwi vima hen tu liauah vân mun tla ah khin lalnâk leh thuneihnâk tla sinah chun Pathian finghnâk kip kawhmi tla ruangah theihtir hen a um kho lai.

EPHESI 5:32

Chu thuthup chu a rokual asi: sikhawmsele, kei lam nih chun Krist leh Kawhmi tla thu ka sim asi.

KOLOSA 1:18

Anih chu a taksa, kawhmi lû asi; zeizawng ah chungnungchem a hawng si khonâk ding hen, a bulpi, mithi lakah mi suak masa chem chu asi.

1 TIMOTHE 3:15

Sikhawmsele sawt ual ka um dah ah Pathian dâwngsung tla lakah mi zei hâwi hen an um ding me si na theih khonâk ding hen rîn asi, Pathian dâwngsung tla chu Pathian nung kawhmi tla, thudik tung leh ngauhnâk an si.

1 TIMOTHE 3:5

Mi nih amah dâwngsungkhur lâirêl men rep hen a rêl thiamlo chun Pathian kawhmi zeitin a zauhkhenh kho lai?

HEBRAI 12:28

Chun, ram ninh kho lo mi kanna ting ruangah kanna lâwm lai. Amah lawmhkâng a um hen, ṭih leh zah tâk bû hen, lâwm tak hen Pathian kan sawnh lai;

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 21:14

Chun, chu khua kulh nih chun lungphum leinih a nei le, chu lak chun Dawrâ Fa mifial leinih min a rîn.