MATHAI 16:13 - Bawm Common Language Bible Version

¹³ Chun, Jisu chu Philipi Kaisari bial chu a va tlung rawh chun a ṭhiruai tla sinah, “Mi le nih Minung Fapa hi âu siding hen an ruat?” ti hen, a deih na.

MATHAI 16:13 ပူးပေါင်းရင်းမြစ်များ

DANIAL 7:13

Chu zân ah langhnâk lakah chun, minung hâwi lek mi ka muh, sûm tuam buk hen ka leiah a hawng le, nung kumza mi leikângah a va kal le, a sinah a va a pêk.

MATHAI 12:32

Chun, âuzawng Minung Fapa simsâwitu zawng chu an simsiatnâk chu ngaihdam piak asi lai; âuzawng Thlarau Thenhlimh ngâi simsâwitu zawng lam chu an simsâwinâk chu tu dam sung khawm ah, tik hawng tlung ding mi khawm ah chun ngaihdam piak asi lai lo.

MATHAI 12:40

Jona chu ni thum leh zân thum ngapi paw sungah a um hâwi khan Minung Fapa hi ni thum leh zân thum tual sungah a um bâk awt asi.

MATHAI 12:8

Minung Fapa hi Dinhni Lal asi ruangah,” a ti.

MATHAI 13:37

Chun, anih nih chun a sâng le,

MATHAI 13:41

Minung Fapa nih hin a vânmifial tla chu a fial lai le, a ram thawk hen sualtirtu tla leh thilsual titu tla zawzawng chu a khawk na lai le,

MATHAI 15:21

Chun, Jisu chu chunah mi chu a suak. Tura leh Sidon bial ah a kal rawh.

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 16:28

Thungâi tak hen ka nan simh na, hinah dîr tla zeimaw mi hi Minung Fapa a Ram ah hawng mi an muh lânlo chu thihnâk tem lo thlo ding mi an um,” a ti.

MATHAI 25:31

“Sikhawmsele, Minung Fapa hi, a vânmifial tla zawzawng hen, a rokualnâk hen a hawng kal tikah a rokualnâk laltophah ah a to lai.

MATHAI 8:20

Chun, Jisu nih a sinah, “Kâwlui tla nih kua an nei le, tlûn zuang vâ tla nih bû an nei le, Minung Fapa lam nih chun a lû ngauhnâk a nei lo,” a ti.

MATHAI 9:6

Zeikhawm si sele, laikulh ah Minung Fapa nih hin sual ngaihdam khonâk a nei ti nan theih khonâk ding hen,” a ti le, mi khêng sinah chun, “Thawk le, na tangphah lâk le, na in ah kal rawh,” a ti.

MARK 10:45

Minung Fapa khawm nih hin rianṭuan piak ding hen a hawng lo le, rianṭuan ding leh mi tam tak tlanhnâk ah a nungnâk pêk ding hen a hawng kal asi,” a ti.

MARK 8:38

Âuzawng tu san zumhkâilo leh thilsual ti mang tla lakah keimah leh ka thu zahpitu zawng chu, Minung Fapa nih hin vânmifial thenhlimh tla hen a Pa rokualnâk ah a thuam hen a hawng kal tikah chun chu minung chu a hawng zahpi bâk lai,” a ti.

JOHAN 1:51

Chun, Jisu nih a sinah, “Thungâi tak hen ka nan simh, vân â awng hen, Pathian vânmifial tla Minung Fapa tlûnah hin ṭum leh kâi nan muh teh lai,” a ti,

JOHAN 12:34

Chun, mi zapi nih a sinah, “Mesia chu zungzâl hen a um kumza awt ti Dân ah kan theih; nangnih, ‘Minung Fapa thlâi hen a um ding asi,’ zeitin zia hen ti me na si? Chu Minung Fapa chu âu me asi?” an ti le, an sâng.

JOHAN 3:14

Chun, Mosi nih ramkaro ah rûl a thlâi hâwi khan, Minung Fapa hi thlâi hen a um ding asi.

JOHAN 5:27

chun, Minung Fapa asi ruangah a sinah lâirêl ding thuneihnâk a pêk.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 7:56

“Zauhnik u! Vân â awng mi ka muh le, Pathian vawrhlei ah Minung Fapa a dîr mi khawm ka muh, a ti.