MATHAI 15:4 - Bawm Common Language Bible Version

⁴ Pathian nih, ‘Na nu leh na pa chawnglawmh rawh,’ ‘Âuzawng a nu mawh a pa mawh simsiattu chu thi ngelchel seh,’ a ti ruangah.

MATHAI 15:4 ပူးပေါင်းရင်းမြစ်များ

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

EXODUS 21:17

“A nu mawh a pa mawh siatbarhtu chu thah ding asi.

THUFING LASUIBU 20:20

Na nu leh pa siat na barh na chun, na nungnâk chu khâwnvâr hâwi hen a mit mi hâwi hen a dawng lai.

THUFING LASUIBU 23:22

Na pa thu ngâi le, amah lo hen khua na sâ kho awt lêm lo. Na nu a tar tik chun na dâwtnâk langhtir rawh.

THUFING LASUIBU 30:17

Âuzawng a pa nihsanhtu leh a tar nûnah a nu zauhnawmhtu chu, mulukawlh nih a sa an ei hen langâk tla nih a mit chawih seh.

ISAI 8:20

Nannih nih, “LALPA nih a nan sîntir na mi hi ngâi u! Mithi sawnh thiam thu ngâi lah, a nan simh na mi thu chu nan rangah zeikhawm a ṭhatnâk a um lai loh,” ti hen nan sâng ding asi.

LEVITICUS 19:3

Mikip nih nan nu leh nan pa nan zah ding asi; thu kan pêk na mi hâwi hen Dinhni nan ulh ding asi. Kei, LALPA nan Pathian kasi.

LEVITICUS 20:9

LALPA nih hi bang dân tla hi a pêk. A nu mawh a pa mawh hawlhsiat barhtu chu thah ding asi, mah thihnâk ding amah nih theih seh.

MATHAI 15:3

Chun, anih nih chun an sinah, “Nannih khawm nih zei rangah nan thurovuih ruangah Pathian thupêk nan buar ne?

MATHAI 15:5

Nannih lam nih chun, ‘Âuzawng a nu mawh a pa mawh sinah na ka mangnâk ding hi Pathian sinah pêk asi rawh, titu zawng chu a nu mawh a pa mawh chawnglawmh ding asi lo,’ nan ti tâwn.

MATHAI 19:19

na nu leh na pa chawnglawmh rawh,” ti mi tla leh, ‘Nangmah na dâwt hâwi hen na zâwlbâwm tla na dâwt ding asi,’ ti hi,” a ti.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

ROM 3:31

Asi leh, lung ruangah Dân chu zeikhawm lo ah kan siam mazei? Si rîlmâl lo; Dân chu kan birhtir lehlam asi.

EPHESI 6:1

Ngâksia tla, Lalpa ah nan nu leh pa thu zâwt u; chu chu thil dik asi.

DEUTERONOMY 27:16

“A nu leh pa siarlotu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.