MATHAI 15:31 - Bawm Common Language Bible Version

³¹ Chuvachun, mi zapi nih chun hawlh kho lo tla an hawng hawlh kho hen, a suaksual mi tla an hawng a remh hen, kekhêng tla kê hen an hawng kal hen, mitchâw tla an hawng muh kho mi an muh rawh chun thungâi chê an ti le; chun Israel tla Pathian chu an sawr rawh.

MATHAI 15:31 ပူးပေါင်းရင်းမြစ်များ

GENESIS 32:28

Chu pa nih chun, “Na min chu Jakob asi lai lo rawh,” a ti. Minung leh Pathian na paihpi le, na neh rawh; churuangah na min ah “Israel” ti asi lai.

GENESIS 33:20

Chunah chun mâichâm a siam le, a min ah Israel Pathian min suangkhâng hen ‘’El-Elohe’’ a ti.

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 50:23

Hawng ka zahtu nih lâwmthu an sim mi chu bâwlnâk asi; ka thu ngâitu zawzawng chu ka hum ngelchel lai.”

EXODUS 24:10

Pathian chu an va muh rawh. A kezaphah tang chu saphir lung phah mi hâwi asi, vândâwm hâwi hen a pâwl iam.

MATHAI 15:30

Chun, mi zapi cherkhet ke khêng, mitchâw, hawlh kho lo, suaksual tla damlo tla tam tak an hawng put na le, a sinah an hawng kal le, a kê kiang ah an siah; chun, a damh khap na.

MATHAI 18:8

“Chun, na kut nih mawh na kê nih mawh a nan sualtir chun tan le, lawnh ving. Kut panih mawh kê panih mawh nei hen zungzâl mei ah lawnh ngâk chun suak sual hen mawh kekhêng hen mawh nungnâk ah lût na rangah a ṭha dauh.

MATHAI 21:14

Chun, Pathian Biakin ah mitchâw tla leh kekhêng tla a sinah an hawng kal le; anmah a damh na.

MATHAI 8:10

Chun, Jisu nih chubang thu chu a theih chun thungâi chê a ti le, a zûltu tla sinah chun, “Thungâi tak hen ka nan simh na, Israel tla lak khawm ah hi tluk rak hen lungnâk fâk hi ka muh lo.

MATHAI 9:32

Chun, an suak liau chirah, ngâinik, hawlh kho lo mi khuri vuanh pakhat a sinah an hawng put.

MATHAI 9:33

Chun, khuri chu a nar kâ hen hawlh kho lo mi chu a hawlh rawh. Chun, mi zapi tla nih chun thungâi chê an ti le, “Israel tla lakah hi hâwi hi kan muh dahlo,” an ti.

MATHAI 9:8

Chun, mi zapi tla nih chun chu chu an muh rawh chun an ṭih le, minung tla sinah chu hâwi thuneihnâk pêktu Pathian chu an sawr rawh.

MARK 2:12

Chun, anih chu a thawk le, a tangphah a lâk sawm le, an ektê muh hen a suak rawh. Churawhchun, an ektê hen thungâi chê an ti le, “Hi hâwi rerêng hi kan muh dahlo,” ti hen, Pathian an sawr rawh.

MARK 7:37

“Anih nih chun zeizawng ṭha tak hen a ti le, nasêt tla a theihtir le, hawlh kho lo tla khawm a hawlhtir tâwn,” an ti le, dîntuai hen chê an ti lo.

MARK 9:43

Chun, na kut nih a nan tlûktir chun tan ko;

LUK 14:13

Puai na tuah tik chun mipâm tla, suaksual tla, kekhêng tla, mitchâw tla, sâwm dauh na.

LUK 14:21

“Chun, to-aw nih chun a pu sinah chubang zawng chu a simh le, chun in dâwngpu chu a thinthawk le, a to-aw sinah, ‘Suak le, zâwllâi tla ah, a kenpak tla ah kal rereh le, mipâm tla, suaksual tla, mitchâw tla, kekhêng tla hinah hawng put na,’ a ti.

LUK 18:43

Chun, zeikarlo ah a muh sawm le, Pathian sawr bû vima hen amah chu a zûl rawh; chun mi zawzawng nih chun an muh rawh chun Pathian an sawr.

LUK 7:16

Chun, mi zawzawng nih an ṭih le, Pathian an sawr le, “Kan lakah khuavâng rokual tak a hawng um rawh,” an ti le, “Pathian nih a mi tla a hawng veh na rawh asi,” an ti.

JOHAN 9:24

Chun, mitchâw chu an kawh nawlh le, a sinah, “Pathian sawr rawh, kha minung lam kha chu misual asi ti kan theih,” an ti.