MATHAI 15:19 - Bawm Common Language Bible Version

¹⁹ Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

MATHAI 15:19 ပူးပေါင်းရင်းမြစ်များ

GENESIS 6:5

LALPA nih tual ah mikip zeiliau zawng ah an sual zia leh an thinlung dawn a ṭhat lo zia a muh le,

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

SAM 119:113

Na lakah zumhkâilo tla chu ka hua na. Sikhawmsele kei lam nih chun na dân ka duh.

THUFING LASUIBU 22:15

Ngâksia tla nih âtkâi tak hen thil tla an ti hen anna thiamthih lo. Nunsimh hen vuaknâk nih lungfîm a suah lai.

THUFING LASUIBU 24:9

Mi â nih thil zeital a dawn mi chu sual asi. Mi zeikhawm nei lo hen midang tluktlaktu chu mi nih an hua.

THUFING LASUIBU 4:23

Na thil dawn lakah a thiamthih le, na dawnnâk zia zia hen na nunchan chu a um lai.

THUFING LASUIBU 6:14

Chu liauah an thinlung khung tak hen sual lei an dawn le, mun kip ah nawknâk an siam.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 59:7

Thilsual karo nan dawn kumza le, ti ding hen nan ngâk rarâm. Sualnâk nei lo mi tla chu thah ding hen nanna sûm dahlo. Nan kalnâk kip ah siat leh râwk hen nan kaltâk le,

JEREMIA 17:9

“Âunih minung thinlung theih kho? Chu tluk hen perpet mang thil dang zeikhawm a um lo; damh ding hen a zual tuk rawh.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

NUMBER 22:29

Balaam nih a sâng le, “Mi â ah na hawng ka ruat mi lebang, nâmsâu put sele, kan thah lai,” a ti.

MATHAI 15:20

Chubang chu minung nawmhtu asi; kut ṭâwl lo hen buh ei lam nih chun mi a nawmh lo,” a ti.

MATHAI 5:28

Kei lam nih chun, âuzawng nunau duhnâk nei hen zauhtu vial chu a thinlung ah ṭângdang a pawmtâk ving rawh ti ka nan simh na.

MATHAI 9:4

Chun, Jisu nih an dawn mi tla chu a theih le, “Zei rangah me nan thinlung ah sual hen nan ruat?

THILTI 8:22

Churuangah na sual hi rim le, Lalpa sinah thlacham rawh, chun na thinlung hen na dawnruat mi hi an ngaihdam lai mawh.

ROM 7:18

Keimah lakah, chu chu ka taksa lakah tinâk asi, thil ṭha rerêng a um lo ti ka theih. Thil ṭha ti duhnâk chu keimah lakah a um narêng hen, thil ṭha tinâk lam chu a um lo.