MATHAI 15:14 - Bawm Common Language Bible Version

¹⁴ Annih chu zeikhawm siar lah u; ruitu mitchâw an si. Chun, mitchâw nih mitchâw lîlâ a rui chun khursaduap ah munkhat hen an tlâ vevê lai,” a ti le, a sâng.

MATHAI 15:14 ပူးပေါင်းရင်းမြစ်များ

ISAI 31:3

Aigupta mi tla chu pathian tla an si lo, minung cho an si. An rang tla chu chung vân lei mi an si lêm lo. LALPA nih thil a hawng ti tik chun phun chak chu a râwk dep lai le, phun chak lo a ṭangpi mi khawm a tlû lai. An panih hen an vei lai.

ISAI 42:19

Ka to-aw ngâk hen mitchâw khun mi leh ka mifial ngâk hen a nâsêt dauh mi an um maw aw?

ISAI 56:10

An sinah, “Ka mi tla simhfiang ding mi ruitu tla chu mitchâw an si! Zeikhawm an theih lo. Râlvêngtu ui âu lo hen a it le, mang a manh huahmah mi hâwi an si. It an duh châwk a!

ISAI 9:16

Chu tla nih diklo tak hen mi an rui na le, an ektê hen an vâi hep.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 6:15

Hi bang thil nâwmtâm an ti ruangah an ning a zak ma? Zak lo e, an ning a zak rîlmâl lo; zei hâwi ningzak a kâi ti khawm an theih lo. Churuangah midang an tlû mi hâwi hen an tlû lai le; anmah ka rêp na tikah an dawnghnâk asi lai rawh. Kei, LALPA nih ka sim asi,” a ti.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

HOSEA 4:17

Israel mi tla chu milem thu thu hen an um mi. Anmah duhzia hen umtir na ko u.

MALAKI 2:8

“Sikhawmsele, tuah nannih bâwlpu tla, diknâk lampi mi chu nan pial rawh, nan sîntirnâk nih mi tam tak nih thil diklo ti ding hen a kalpi na. Nan sinah ka thudântuk chu nan râwk rawh.

LUK 6:39

Chun, an sinah tahṭhimh thu a sim le: “Mitchâw nih mitchâw a ruai kho lai mazei? An panih hen khursaduap ah an tlâ vevê lai lo mazei?

JOHAN 9:39

Chun, Jisu nih, “Lâirêl ding hen hi laikulh ah hin hawng kal kasi, mitchâw tla an mit a deinâk ding leh mitdei tla chu an mit a châw khonâk ding hen,” a ti.

1 TIMOTHE 6:5

chu hâwi êlrât mi tla chu thinlung ṭhalo nei leh thudik nei lo mi Pathian sunhsak hi dingchangnâk mawh titu an si.

2 PETER 2:1

Lânah mi zapi tla lakah khuavâng telê an hawng suak mi hâwi hen, nan lak khawm ah sîntirtu telê an hawng suak lai, annih nih chun anmah tla tlanhtu Lalpa chu phehtâk hen, mi râwk khonâk ding hen sîntirnâk diklo an hawng lûtpi lai le, an tlûnah mawhsareh hen siatnâk an tlungtir lai.

2 PETER 2:17

Chu minung tla chu tikang va leh vândâwm thlipi nih a ranh mi hâwi an si, chubang tla rang ding chun, mûi thûk tak an mun rang ding ah Pathian nih a ruat asi.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.