MATHAI 15:11 - Bawm Common Language Bible Version

¹¹ Kâ ah lût mi chu minung nawmhtu asi lo le, kâ thawk suak mi chu, chu tak chu minung nawmhtu asi dauh,” a ti.

MATHAI 15:11 ပူးပေါင်းရင်းမြစ်များ

SAM 10:7

A kâ chu siatbarhnâk tla, âwkrâwl tla, thihnâk tla hen a khat; Thusual leh huatnâk sim a mawhlah.

SAM 12:2

Mi zawzawng âwkrâwl anna simh tawnh le, sawr telenâk hen anna perpet.

ISAI 37:23

Na zauhnawmh leh na nihsanh mi hi âu si hen na ruat? Kei Israel Pathian thenhlimh na hawng ka zah lo mi asi.

MATHAI 15:10

Chun, mi zapi tla chu a kawh na le, an sinah, “Ngâi ule, a ngaihtawnh dân thiam u;

MATHAI 15:12

Chu liau chun a ṭhiruai tla an hawng kal le, a sinah, “Farisai tla nih kha thu kha an theih le, an thinthawk mi kha na theih ma?” an ti.

MARK 7:15

Minung lênglei thawk hen a paw sungah lût mi nih amah nawmh kho zeikhawm a um lo; minung paw sung thawk hen hawng suak tla chu minung nawmhtu asi dauh.

ROM 14:14

Amah lak cho chun thianglo zeikhawm a um lo ti Lalpa Jisu ah chun thungâi ka theihfiang, zeimawh thiang lo hen ruattu rang chun amah rang chun a thiang lo asi.

ROM 14:17

Pathian Ram chu din leh ei thu asi lo le, repnâk tla, remnâk tla, Thlarau Thenhlimh lâwmnâk tla asi dauh.

ROM 14:20

Na zei lo ei ruangah Pathian rianṭuan thil zeizawng râwk lah. Thil zawzawng a thenhlimh ngâk, sikhawmsele, a zei lo ei nih mi a thlûk chun a eitu rangah sual asi.

1 TIMOTHE 4:3

nupa umh an khap tâwn le, zei lo ei ding tla, thudik theih hen lungtu tla nih lâwmthu sim hen ting ding hen Pathian nih a siam mi tla chu ei lo ding an ti tâwn.

TITA 1:15

Mi thenhlimh tla rang chun zeizawng a thenhlimh tâwn; sikhawmsele mi nâwmtâm leh lunglo tla rang chun zeikhawm thenhlimh mi a um tâwn loh, an thinlung leh an sia leh ṭha theihnâk rêng khawm a nâwm rawh.

HEBRAI 13:9

Sîntirnâk kip leh sîntirnâk chê tak nih lam dik lakah mi kalpi hen um lah u; thinlung hi Pathian zângfahnâk hen birhtir chu a ṭha, ei ding tla lakah a pêk tuk lo hen; chu leikâng lungkhamtu tla chu chubang lakah chun ṭhatvaknak an tawng lêm lo.

2 PETER 2:18

Diklonâk ah an um mi tla thawk hen an suak rawh mi tla chu tlûktir na ding hen taksa duhnâk sual leh hurnâk an mang tâwn.