MATHAI 14:20 - Bawm Common Language Bible Version

²⁰ Chun, an ektê hen an ei le, an khim khap le, an ei bang neknâwi khawm chu an rût le, khobung leinih a khat.

MATHAI 14:20 ပူးပေါင်းရင်းမြစ်များ

EXODUS 16:12

“Israel mi tla chipchiarnâk chu ka theih. Mûi rawp ah meh an ei lai le, zînglei ah sang an duh rî hen an tawng lai,” a ti.

EXODUS 16:8

Churawhchun, Mosi nih, “Zânlei ah meh, zînglei ah sang nan duh tâwk an pêk natu ding chu LALPA asi, a tlûnah nan chipchiarnâk a theih tam tuktarâi rawh ruangah, kan tlûnah nan chipchiar mi chu LALPA tlûnah chipchiar nan si,” an ti.

THUFING LASUIBU 13:25

Mirep nih khawp hen ei ding a nei le, sikhawmsele misual chu a sungvâng kumza.

LEVITICUS 26:26

Nan buh tawngnâk lampi ka sah lai, nunau parâ nih sang zawzawng hût ding hen bêl pakhat cho a herh lai. Chu lakah mi chu an hawng ṭhen lai le, nan ei thluh ver nûn khawm ah nan sungvangh chu a mahmun nget lai.

HAGAI LASUIBU 1:6

Tamtak nan tuh le, a ât tikah tâwmtê cho nan tawng, buh ei ding chu nan nei, sikhawmsele nan khawp tâwk lo. Uain din ding nan nei le, sikhawmsele rî rê ding nan tawng lo! Nipuan chu nan nei, sikhawmsele lum khawp rang ding nan nei lo. Rianṭuantu tla khawm nih nung khawp ding hen an lawh kho lo.

MATHAI 14:21

A eitu tla chu nunau leh ngâksia sim lo hen upa karo khawm sângnga ding asi.

MATHAI 15:33

Chun, ṭhiruai tla nih chun a sinah, “Mi zapi hi tluk rak khawp rê ding hen sangtlêp chu tluk rak ramkaro ah kha zei mi me kan tawng lai?” an ti.

MATHAI 5:6

“Repnâk ruangah sungvâng tîhâl tla chu an thaw a suak, an khim awt ruangah!

LUK 1:53

Sungvâng tla chu thil ṭha tla hen a khawptir na, minei tla chu kut karo hen a kaltir na.

LUK 9:17

Chun, an ei le, an khawp ver le, an ei bang neknâwi tla chu an rût le, khobung leinih a khat.

JOHAN 6:7

Philip nih a sinah, “Mi kip nih tâwm seng anna ting ding khawm hen denari zanih man sang nih a tinh lai lo,” a ti le, a sâng.