MATHAI 13:6 - Bawm Common Language Bible Version

⁶ sikhawmsele, nî a sâng dauh rawh chun a emh le, a uai tlek le, ram a nei lo ruangah a mawt ko.

MATHAI 13:6 ပူးပေါင်းရင်းမြစ်များ

ISAI 49:10

an sungvâng hen an tî a hâl lai lo rawh. Nî sa leh ramkaro linhnâk nih nganfâk a pêk lai lo rawh, anmah dâwttu pakhat nih a rui na lai rawh. Tinungva leiah a kalpi na lai.

MATHAI 13:21

Sikhawmsele, amah lakah chun ram a um lo le, sâwtlotê cho a um le; chun thu ruangah chun hamhnâk mawh nehsawhnâk mawh a hawng um hen a zumhnâk a bâng sawm tâwn.

MATHAI 13:5

Chun, a zeimaw mi lungpher tual pannâk mun ah a tlâ; tual a sah lo ruangah a kho sawm le;

MATHAI 13:7

Chun, a zeimaw mi bua lingnei nâwngah a tlâ le, bua chu a hawng sâng vima le, a dawrh kêk.

MARK 4:6

Sikhawmsele, nî a hawng sâng dauh rawh chun uai tep hen a emh, ram a nei lo ruangah a rawp ko rawh.

LUK 8:13

Chun, lungpher tlûnah chî a tlâ mi chu an theih kâ hen thu chu lâwm tak hen tleih mi tla an si; sikhawmsele, ram an nei lo; sâwtlotê chu an lung le, lêmnâk tawng tikah an bângtâk nawlh tâwn.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

THUPHUANG 7:16

An sung a vâng lai lo le, an tî khawm a hâl lai lo, nî nih a emh na lai lo le, a linhnâk khawm nih a hamhtir na lai lo.