MATHAI 13:57 - Bawm Common Language Bible Version

⁵⁷ Chun, amah an zumh lo. Sikhawmsele, Jisu nih an sinah, “Khuavâng chu amah khua leiah leh amah in leiah cho lo chun chawnglawmh lo hen a um dah loh,” a ti.

MATHAI 13:57 ပူးပေါင်းရင်းမြစ်များ

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

ISAI 53:3

Kan zauhnawmh le, amah chu kan nawng; nganfâk leh tuarnâk leikângah â dawnh kho. Zeikhawm asi lo mi hâwi hen âukhawm nih an zauh duh lo le, kan âwva lo.

ISAI 8:14

Ka thenhlimhnâk chê tak ruangah zapi tla tlûknâk lung hâwi kasi le, Juda lalram sungah mi leh Israel tla leh Jerusalem mi tla awhtu thang hâwi kasi.

MATHAI 11:6

Âuzawng ka tlûnah zumhmaihnâk neilotu chu an thaw a suak,” ti hen a sâng.

MATHAI 13:58

Chun, an lung lo ruangah chunah chun thilchê tam a ti lo.

MARK 6:1

Chun, chu thawk hen chun Jisu chu a suak le, a umnâk khua lei chu a tlung le, a ṭhiruai tla nih chun an zûl vima.

MARK 6:14

Chun, lalchem Herod nih chun a theih le, Jisu min chu a thang rawh dangâiah. Mi le tla nih chun, “Baptistu Johan kha mithi lakah mi a thawknawlh rawh le, chubang thiltikhonâk tla nih chun amah lakah a ṭuan asi chu!” an ti.

MARK 6:3

Hi minung hi Mari fapa Jem, Josef, Juda, Simon leh a unaupa thing hen thil siamtu kha asi lo mazei? A farnu le khawm hinah kan sinah um an si lo mazei?” an ti le, thungâi chê an ti. Chun, a tlûnah an lungsilo rawh.

MARK 6:4

Chun, Jisu nih an sinah, “Khuavâng chu amah khua lei tla ah, amah rualsia tla lakah, amah in tla ah cho lo chun chawnglawmh lo hen a um dahlo,” a ti.

LUK 4:24

Chun, anih nih, “Thungâi tak hen ka nan simh na, khuavâng âukhawm mah khua leiah mi nih an lawmh dahlo.

LUK 7:23

Chun, âuzawng ka tlûnah lungsilonâk muh lotu chu an thaw a suak,” a ti le, a sâng.

JOHAN 4:44

Jisu tak nih, khuavâng chu amah khua leiah chun chawnglawmh hen a um dahlo ti a theihtir tâwn.

JOHAN 6:42

“Hi minung hi Josef fa Jisu asi lo ma? a nu leh a pa khawm kan theih. ‘Vân thawk hen hawng ṭum kasi,’ zeitin a ti zia?” an ti.

JOHAN 6:61

Chuvachun, chu thu lakah chun a ṭhiruai tla an chipchiar ti Jisu nih a thinlung hen a theih le, an sinah, “Hi thu nih hin zei an khamtir na?