MATHAI 13:55 - Bawm Common Language Bible Version

⁵⁵ Hi minung hi thing hen thil siamtu fapa kha asi lo mazei? A nu chu Mari an ti mi asi lo mazei? A unau tla khawm Jem, Josef, Simon leh Juda an ti mi tla chu an si lo mazei?

MATHAI 13:55 ပူးပေါင်းရင်းမြစ်များ

SAM 22:6

Khawmsele, kei chu minung kasi lo rawh, changchêl kasi, mikip zauhnawmh leh nihsanh hen ka um!

ISAI 49:7

Israel Pathian thenhlimh leh ruangsuahtu nih chun zauhnawmh dep hen a um mi, phun tla nih an hua mi leh lâirêltu tla to-aw sinah chun: “Suah hen na um mi lalchem tla nih an muh lai le, an zah zia langh ding hen an thawk lai le, lal fapa tla khawm nih an muh lai, nanmah zah ding hen nâu tak hen an kûn lai,” a ti. LALPA nih a to-aw a thîm mi ruangah hi bang hi a hawng tlung lai le, Israel Pathian thenhlimh nih a thutiam chu a kil thlir.

MATHAI 27:56

Chubang tla lakah chun Mari Magdala mi, Mari Jem leh Josef nu leh Zebedai fapa tla nu le anna tel.

MARK 15:40

Chun, nunau tla khawm nih lât tak thawk hen an chuanh le; chubang tla lakah chun Mari, Magdala mi, Jemtê leh Josef nu, Mari leh Salomi tla anna tel.

MARK 15:47

Chun, Mari Magdala mi leh Josef nu Mari nih chun an vûinâk chu an muh.

MARK 6:3

Hi minung hi Mari fapa Jem, Josef, Juda, Simon leh a unaupa thing hen thil siamtu kha asi lo mazei? A farnu le khawm hinah kan sinah um an si lo mazei?” an ti le, thungâi chê an ti. Chun, a tlûnah an lungsilo rawh.

LUK 1:27

nungâk thenhlimh pakhat sinah a fial le, chu nungâk chu David thlâk ah mi a min, Josef nupi ham asi: nungâk min chu Mari asi.

LUK 24:10

Chubang tla chu Magdala mi Mari, Joana, Jem nu Mari tla an si; an sinah nunau dang tla khawm nih ṭhiruai tla sinah chun chubang thu chu an sim bâk.

LUK 3:23

Chun, Jisu nih a rianṭuan a dawmh liau khan amah chu kum sâwmthum ding asi rawh; mi ngaih chun Josef fapa asi le, chu chu Heli fa asi,

LUK 4:22

Chun, an ektê hen amah an sawr le, a hawlhkâ suak zângfah thu tla thungâi chê an ti. Chun, “Hi minung hi Josef fapa asi lo mazei?” an ti.

LUK 8:20

Chun, “Na nu leh na unau tla nih nangmah muh ding duh hen lênglei ah khin an dîr ko,” ti hen, an simh.

JOHAN 19:25

Chun, Jisu kraws kiangah a nu leh a nu naunu, Mari Klopa nupi leh Mari Magdala mi an dîr.

JOHAN 6:42

“Hi minung hi Josef fa Jisu asi lo ma? a nu leh a pa khawm kan theih. ‘Vân thawk hen hawng ṭum kasi,’ zeitin a ti zia?” an ti.

JOHAN 9:29

Pathian nih Mosi a sawnh ti kan theih, hi minung lam hi chu zei thawk hen hawng suak me asi ti kan theih loh,” an ti.

GALATIA 1:19

Mifial dang tla lam chu Lalpa unau Jem cho lo chu âukhawm ka muh lo.

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun: