MATHAI 13:44 - Bawm Common Language Bible Version

⁴⁴ “Vân Ram chu lo ah ro a thup hen phûm mi hâwi asi; chu chu mi nih a muh le, a thuh le, â lâwm ruangah a neih zawzawng chu a zuar le, chu lo chu a châwk rawh.

MATHAI 13:44 ပူးပေါင်းရင်းမြစ်များ

JOB LASUIBU 28:13

Finghnâk chu minung lakah tawng asi lo. A sung-û-nâk khawm âukhawm nih a theih lo.

THUFING LASUIBU 16:16

Ngûn leh tangka ngâk hen, finghnâk leh theihnâk neih chu a ṭha tuktarâi.

THUFING LASUIBU 17:16

Mi mâwl rangah lasui sînnâk rangah tangka hêu chu zeikhawm ṭhatnâk a um lo. Midang hâwi hen theihthiamnâk a nei lo ruangah.

THUFING LASUIBU 18:1

Midang kawmh lo mi tla chu mah lakah duh tâwknâk an nei. Midang nih dik an ti mi lakah an bawppi lo.

THUFING LASUIBU 23:23

Thudik, finghnâk, sînnâk leh finghnâk ṭha hi na sunhsak ding mi asi. Sikhawmsele zuar ding hen chun an sung-û tuk.

ISAI 55:1

LALPA nih, “A tîhâl mi zawng hawng u- hinah tî a um! Tangka nei lo mi tla hawng ule, Fâng châwk ule ei u! Hawng u! Nûk leh uain tla châwk u- Zeikhawm nan hêu lai lo!

MATHAI 13:24

Tahṭhimh thu dang an sinah a sim nawlh le: “Vân Ram chu mi a lo ah chî ṭha vawrhtu hen tahṭhimh asi;

MATHAI 13:46

Chun, anih nih chun âitikep lung sung tak pakhat a tawng le, a neih zawzawng chu a zuar le, a châwk rawh.

MATHAI 13:47

“Chun, Vân Ram chu lênkhang tisumsumriat ah vawrh hen, chi kip fûn khup mi hâwi chu asi nawlh fâwn:

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

MATHAI 19:27

Chun, Peter nih a sim le, “Zauhnik, kannih nih zeizawng kaltâk hen ka nan zûl le, zei me kan tawng lai ne?” a ti le, a deih.

MATHAI 19:29

Chun, mikip, in tla mawh, unau tla mawh, farnu tla mawh, pa mawh, nu mawh, fa tla mawh, ram tla mawh, ka min ruangah kaltâktu zawng nih chun a leh zâ a tawng lai le, zungzâl nungnâk anna ting lai.

MATHAI 6:21

Na ro umnâk kip ah na thinlung khawm a um lai.

LUK 14:33

Chu hâwi ber hen, nan lakah hin âuzawng a neih zawzawng kaltâk lo mi vial chu ka ṭhiruai asi kho lai loh,” a ti.

JOHAN 6:35

Chun, Jisu nih an sinah, “Kei hi nungnâk sang chu kasi, âuzawng ka sinah a hawng kal mi chu a sungvâng lai loh, âuzawng hawng ka zumhtu chu zeitik khawm ah a tîhâl lai loh.

ROM 15:4

Pathian lasui thu ah felfênâk leh lungngamnâk tawng hen lungumnâk kan nei khonâk ding hen, tuan liauah rîn mi tla chu kanmah hawng kan sîntirnâk ding asi ruangah.

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

HEBRAI 10:34

Rêng a tlâ mi tla tuarnâk chu nanna ting bâk rawh; thil ṭha dauh um kumza ding mi chu nan nei ti theih hen nan thil an lâk piak na mi tla khawm lâwm tak hen nan tuar kho asi.

THUPHUANG 3:18

Minei na si khonâk ding hen ka sinah mi, ngûn thenhlimh châwk ding hen ka nan simh asi. Puanvâr na aih ding hen leh na takkaro ningzakkâi tak chu khuh ding leh na mit ah buaih ding hen mit fâk turpâng tla châwk ding ka nan simh asi, na muh khonâk ding hen.